كنت انتظر يوم الفرج والتباشيـر=وقلبي نطر خلي علي حر نـأره
وقمت اكتب الاشعـار واظبط معـابيـر=وأقـول فرقى الزين اكبر خساره
كثرت علي رأس المولـع تفـاكـير = واخذ زقاره من ورهـا زقـاره
اصبح فراق الزين ضمن المخاسير=مثل التويجر لاخسر في تجاره
يازينج اول لالبستي التنانير=.فالكوت لاملتي بذيك المناره
يابنت حطيتي بقلبي محاشير=واونس بصدري من غرامك حراره
شوفي دموعي مثل هل الشخاتير=وانتي نسيتي كل شين ياساره
هذا كلامي جاك من صدق تعبير=قلته وجوي ماملته الغباره
صورت وضعي ياريش العين تصوير=والقلب ماوده يرد اعتباره
ودك تروح روح ياخاتمه خير=والا تعال وزيد قلبي بشاره