ياصاحبي مالـك ومـال المقفيـن=قال المثل من عزنفسـه وجدهـا
لوكان من ربعك وعندك حشيمين=لاترخص الشيمه وتنـدم بعدهـا
خلك وفّي مع الرجـال الوفييـن=أهل الوفاءوالطيب مـا احدٍنقدهـا
واحرص على خوة رجال ميامين=كسابة النوماس ماأكثـر عددهـا
اللي ليا جات اللـوازم سلاطيـن=ومواقف أهل الطيب محدٍجحدهـا
دائم على كسب المعالي حريصين=وحقوقهم يوفونهـا فـي وعدهـا
والرجل تقديره على الرأس والعين=ومكانته عنـد العـرب مافقدهـا
والوقت مايرحم وجه الدهر شيـن=وهذاالزمان الناس زايد حسدهـا
وترى الفتى لو عاش ايام وسنيـن=محاسبٍ في ايامه اللي حصدهـا
وياسعد حظه كان ضمن المصلين=والفائده فـي ركعتيـنٍ سجدهـا
ترجح بميزانه نهـار الموازيـن=يومٍ بعض النـاس نفسـه قردهـا
ولو مات ابن آدم على منهج الدين=اخير من دنيـا الشقـاه ونكدهـا

المشاركة الأصلية كتبت بواسطة عبدالرحمن الهيلوم (المشاركة 832345) صدقت يالغالي صح الساااااااااااانك