كلٍ على طبعه مع النااس هراج=وكلٍ على ليلاه قالوا يغني
والعاقل اللي للسواليف ما عاج=من طيبهاا ما قال كنه وكني
للسالفه يا سعود مدخل ومخراج=اسمع وأنا يا خوك ضايق لأني
لقيت لي في تالي الوقت دواج=رجله مع العربان ما تستكني
ولا له هدف يا كود لا بّرد الصاج=زود علاه النار ظلم وتجني
قلبه تقول فريخ من ساحل العاج=من شكته في لون ثوبه يظني
عنده تساوى خلخل الساق بالتاج= لو تنشده وش لون قال : ارجهني
في علته حاولت ما ينفع علاج=راع الطبع للطبع دايم يحني
للطيب سكه للمطاليق منهاج=عن دربها ما احيد لو هو يجني
واللي سواته يردف الباب مزلاج=دونه .. عشان الذيخ ما يمتحني
ويالله أنا طالبك في صبح الابلاج=فأهل الردى مليت كثر التمني
أحرص على المبذور من شان الانتاج=وأثر البلى فالعود طال متثني ..!!
مليت أجامل واوعد الحال بافراج=يوم الدهر من غير حجه سجني
قصه عجيبه مع جرافيكس وإخراج=فيها البطل من زود همه يوني
ويا سعود أنا فالعلم ما عاد يحتاج=أما سكنت الصمت ولا سكني
وليا نشدت وقلت من حرك الصاج=قلت العفو ..! وأرجوك لا تمتحني

صح لسانك ياعايض ..