يامـل قلـبٍ يلـج وداخلـه رنــه=لجة ظراياً على عـدٍ عـوى ذيبـه
او لجة الفـرد يـوم اقفايـة الكنّـه=وسهيـل والقيـظ مقبلـةٍ ملاهيبـه
حيـران شـولٍ مشاحيـنٍ حدتهنـه=ظلت على الحاض تقبل به وتقفيبـه
وإن جنه ارداف والمفـرود ضدنـه=والحاض توح التضارس في مصاليبه
يـارازق اللـي بيوتـه مالفتهـنـه=عليهـن الـدرب بينـةٍ مهاذيـبـه
النار كلت الحطب والنجر أكـل بنـه=والرزق عند الولي من حيث ينويبـه
مـا همـي الا الـدلال وثالثتهـنـه=كبش المربي ليـا لزمـت مواجيبـه
يازين خبط الركايـب فـي سندهنـه=هودٍ مـن الليـل خابيـةٍ مشاهيبـه
افـرح بهنـه ليـا جنـي باهلهنـه=واقوم عجـلٍ لضيـف الله واهليبـه