لقيت قاف مالقوها الذهاهين = عسر على غيري واخذته رياسه
ليت المراجل كلها بالموازين = كل على مده يقنن قياسه
حتى يبين اللى له الناس راضين = يفهق عن الطيب رجال الخساسه
ترى المراجل بينه يا مساكين = يا بينها للي براسه حماسه
مرخص بماله بالقسا للمقلين = وان جا نهار الضيق يركض عماسه
ترى البخيل ولو جمع له قطيعين = لو كثر ماله مثل نبت الهراسه
مخطيء من الدنيا ومخطيء من الدين = راضي على درب الردي والخساسه
يبخل على نفسه ولو هم غنيين = مثل الحبيني يوم رزقه لحاسه