يا هاجس الشعر ابى اسجل معاناتي = في بيض الاوراق حتى الناس تقراها
انا جريح الهواء من فايت(ن) فاتي = وجروح قلبي عجزت احصل ادواها
حبيت لي ترفة(ن) راحت ولا جاتي = اخذت عامين عايش حلو ذكراها
اخذت عامين صورتها بنظراتي = واحاول انسى غلاها واتناساها
ونسيتها من فضل رب السمواتي = نسيتها عقب ما نجحت كواياها
وذقت السعاده بعدها والملذاتي = وارتحت من حبها يا كبر بلواها
وارتحت من كثر روحاتي وجياتي = ولا عاد افكر بها والا اتمناها
وقررت ما احب وابى اسحب سفاراتي = من الهواء لجل نكبه في سواها
وصدفه بمشفى الحرس قسم العياداتي = عند المواعيد جتني تقصر خطاها
بنت(ن) من اسبابها ضيعت كلماتي = مغير محبوبتي تشبه حلاياها
تسأل ومن زينها لخبطت اجاباتي = اجابة(ن) جت مدري ويش معناها
ومن يوم قفت وانا ارجع علاقاتي = مع الهواء غصب والسبه محياها
وقفت ابى اظني ارتب عباراتي = واشوف لي فرصة(ن) واسعد بلقياها
لكن حالت القدر من دون رغباتي = الناس واجد وانا ماني بوياها
واقفيت مجروح اكرر فالتنهاتي = بنزل تحت فالعماره واطلع اعلاها
واخذت ساعه مضيع كل وجهاتي = مدهوش عيني تعاين من تعداها
وروحت والقلب في قسم العياداتي = اخذته اللي كما اللولو ثناياها

صح لسان ياسلطان مبدع دائم وقصائد رائع جدا جدا

المشاركة الأصلية كتبت بواسطة ابن صنهوت (المشاركة 854098) اخــذت عامـيـن صورتـهـا بنـظـراتـي واحــاول انـسـى غـلاهــا واتنـاسـاهـا صح السانك يا سلطان مبدع يا مبدع

المشاركة الأصلية كتبت بواسطة أبونواف (المشاركة 854225) صح لسان ياسلطان مبدع دائم وقصائد رائع جدا جدا

المشاركة الأصلية كتبت بواسطة حاكم الغنامي (المشاركة 854262) الله الله صح لسااااااانكــ ياسلطان وننتظر جديدكـــ

صح بدنك

لاهنت على المرور