الهيـــــــــــــلا *** منتدى قبيلة عتيبة

من قدح راسي ياقصيدي كل حبٍ من ذراه=الوافيه والطيبه ياغايتي نسعى لها
لاخير فيه الشاعر اللي تبخل لربعه يداه=في مدح ربعي يستوي لي بدعها وامثالها
على الجزيره ربعي عتيبه كما جبال السراه=اللي على كل الجبال الله رفع منزالها
منزالهم على سنام المجد دايم في علاه=عتيبه الهيلا عتيبه تشهد الها افعالها
الله عطاهم طيب عز وطيب ذات وطيب جاه=طيب الكرم طيب الشجاعه من صفات اعمالها
اهل البطوله والرجوله كل بيت من بناه=ذباحت الحايل كرم لطامه لعيالها
من البحر وليا البحر تاريخهم كل قراه=اهل الشيم واهل القيم والله مطيب فالها
هم تاج راسي عزوتي فالوقت ودهاة الدهاه=تشهد لهم حدب السيوف ليا اعتزا خيالها
بيت مشيد بالوفاء والعز ويذري ذراه=ربعي سنام المجد واهل المعرفه ورجالها
الطيب والله طيبهم مافيه احد يلحق مداه=اهل الفعول الساميات اللي كرام سبالها
عتيبه الهيلا صقور الوقت لا دارت رحاه=ماهمهم شين السنين ايامها وليالها
غيث الديار المسنيه لاشح وقت في عطاه=الشجره اللي وافي بين الرجال ضلالها
للضيف لاقبل ياهلا يا مرحبا حلو النباه=ما قلطوا غير الحشو لضيوفهم وجزالها
والجار يلقا من عشا ضيفانهم دايم عشاه=وام اليتاما والفقارى مشبعين عيالها
لوجيت اعدد طيبهم تعجز عنه كل الرواه=ربعي مناعير الجزيره والعرب وابطالها
وابك العتيبي لانخيته فز لك ما قال هاه=يفز لك وايداه فيها غترته وعقالها
فزة سطرفزة طناخه ما يضام اللي نخاه=فيه الحموه والمروه وافي مكيالها
يفز لك فزة شجيع لا نصاه اللي نخاه=يقدم وينصا من بغا ما هوب من يبرالها
لا قلت تكفى يالعتيبي بشرك باللي تباه=ترجح صعيبات الامور ليا حضر حلالها
ما همنا بالوقت لا لين الزمان ولا قساه=كل الفعول الطيبه والوافيه حنا لها
وكل القبايل والنعم كل بطيبه وابوفاه=كل دار فيها حقها من قومها ورجالها