ياقاف انا لك مـن معادنـك صـواغ
وحتيش لو حرفك مع القـاف شاخـي

قلبي يصوغك صوغ من هجس وادماغ
وبنات فكـرٍ فـي عطاهـا سواخـي

اكسيك ثوب وبشت وعقـال وشمـاغ
من فضل ربـي فالسنيـن الرواخـي

واسبغ عليك من الحلل دوم باسبـاغ
حتـى تجملنـي نـهـار التنـاخـي

اصخرك من معدنك ماصبغك باصبـاغ
خليـت صبغـك للعقـول الـدلاخـي

ولاواعذابـك كـان ينويـك مـرواغ
اصخرك صخرٍ مايجي لـك نساخـي

وانا ادري ان لك صلب ةعروق ارساغ
واعرف ترى لي فالمواقـف مناخـي

ارسي ليـا مـن الـردي فاللقـا راغ
وابرك مبـارك مكتسيـن الجواخـي

وياللي تحسبون الشعر جلـد وادبـاغ
ولا،،،خليـعٍ تشلخـونـه شـلاخـي

عز الله ان عقلـه مـن افعالكـم زاغ
وقامت عزائـم همتـه فـي تراخـي

خلـوه للـي لادرج منهجـه صـاغ
ويعاملـه بسلـوب نهـج التـاخـي

خلوه فـي عيشـة نعيـم وتنغنـاغ
ونبت الصلاح اكيد غيـر الصباخـي

والشعر ثـروه ماملكهـا ابـن نـاغ
وهو مرجع التاريـخ يـوم التواخـي