الحمد لله والرجى فالله تــــــــــــعالى مايخيب = اللي ليا ظـــــاقت يفرجـــــــــها ويفتح بابها
رب العباد اللي علــــــــى دنياه وعباده رقيب = منه وليه الأمر ونفــــــــــوس العباد أدرابها
أليا ركد صلف الهوى والذيـــــب جايله قنيب = وأم البنات الخمسي في عينـي ركد مظرابها
واللي مناديني عبيد ابن الحميدي كيف أغيب = وأنا العلــــــــــوم الطيبات الغانمات أشقابها
والليــــــــــله اللي جمعتنا عقب غلقنا الطليب = تسوى كنــــــــوز المملكه وسهوله وهظابها
والله لوردهــــــــــا ونوخها على جال القليب = يالين تروى مــــــــــن ظماها ماتدلد أرقابها
ونقشبها نقش الحجر وداوي الجـرح العطيب = حتى يقـــــــــــــال الله يبيظ وجه من غنابها
لاصرت محسوبن مع ربعي ولن زليت عيب = عزالله أنــــــي مبتدعها لين أحسب أحسابها
ســـــلام تسليمن يزيد الطيب بين الناس طيب = طيب على طيب الرجــال اللي تلف أشنابها
العزوه اللـــي تحتم الميقاف فاليــوم العصيب = يوم السيـــــوف المرهفات مخظبه بخظابها
كسابت المارج ليا هابت قلـــــــــوب ماتهيب = أهل بيــوت ماشكت صلف الهبوب أطنابها
تلقابها الظيفان قولت مـــــرحبا وأم العصيب = وطيب النبا والهــــــيل والبن الخظر يلقابها
والقاف في مــــــدح النشاما يالنشاما مايشيب = مير العلـــــوم اللي تنومس جيت أنا بعذابها
وختامها يهل المــعرفه دون شك ودون ريب = الخيل من ركابها والنار مـــــــــــــن شبابها
والليــــــــــله اللي جمعتنا عقب غلقنا الطليب = تسوى كنــــــوز المملكه وسهولها وهظابها

صح لسااانك مدد يالغالي ..

والحمدلله على سلامة العريدي ..

وننتظر جديدك بكل شوق
...

وجهك يابن صنهوت


لاشك أن مرورك هو الداعم الحقيقي



ليما يسمى الإبداع



لك تحياتي

صح بدنك يامحمد


ولاهنت على المرور لك


كل التقدير ولاإحتراك


تحياتي

ابن سرحان سرحان

صح بدنك

لاهنت على مرورك الكريم


تحياااااااااااتي