اشهد انك يابو هيثم تسد الازايم = يوم بعض العرب من دونها يقصروني
تجبر العزم فـي زمـان كسر العزايـم = يابعيد الردى تفداك كل العفوني
بيض الله وجهك يابض الوجه دايم = مثل تبييضك لوجهي مع اللي نخوني
لو بلادي ربيع ولا لفحها سمايم = لكن احرجتك من اللي معاك احرجوني
يوم جيتك وانا من ضيمهم شفت ظايم = ماتعذرتلي وهل العذر يعذروني
قلت بشر وقلت ابشر بكل الغنايم = ورد هداج تيماء بروى يرتهوني
والمثل قال من ذيك العصور القدايم = مافلح كود من موارثه يفلحوني
وانت من رؤس قوم(ن) يوم جبر الكظايم = يبهجون الرفيق وبالقاء يعرفوني
وزبن من ظاقت بنفسه فجوج الخرايم = يوم وقت السيوف اللي تقص المتوني
وقسمهم من خيار القسم يوم القسايم = في زمان مضاء واهل الفخر ماتهوني