اليكم بعد السلام هذه الابيات في سلطان الخير اعاده الله الي ارض الوطن معافا

عسى ان تجد شي من الاستحسان

تباشر الشعب السعودي بسلطان=تباشروبه شيبهم مع شبابه
ولي عهد المملكه طير حوران=كلن فرحبه يوم جا من غيابه
ياسيدي غنالك الكل طربان=مشاعرً ماتنحصى بالكتابه
لوقربوعندي ثمانين ديوان=ماحصيت ربع اللي فوادي حضابه
وكلن فواده من محبتك مليان=من البحر لين الخليج انتهابه
ومن الحديثه ماشيً به لنجران=كلن يقول الحمد للي لفابه
شعبً دعى في غيبتك سر وعلان=ويارب دعوة خيراً مستجابه
من دونها ماصك للعرش بيبان=اليانوى للعبد طبً شفابه
والشكر للمعبود حنان منان=وشعبك سعيد بجيتك لاغرابه
مامدة اكفوفك سواء بر وحسان=ياامير مداً ماطمعت بثوابه
الامن الله وانت للخير عنوان=لمسابق الخيرات مالك مشابه
عطفك شمل رمل وفقارى ويتمان=وتعاملك معهم بلطف وحبابه
الله يمد بعمرك ازمان وازمان=ياامير يارمز الوفا والمهابه
تبقى لبومتعب على الحكم عوان= وابو المصاب تعوضه في مصابه
ابوً رحيمً طيب القلب سلطان=سلطان سلطان السعد مرحبابه

المشاركة الأصلية كتبت بواسطة محمد العتيبي (المشاركة 878652) الله يمد بعمرك ازمـان وازمـان ياامير يارمـز الوفـا والمهابـه تبقى لبومتعب على الحكم عوان وابو المصاب تعوضه في مصابه ابوً رحيمً طيب القلـب سلطـان سلطان سلطان السعـد مرحبابـه استاذنا المبدع / فهيد الرويس لم نعتد منك إلا جزالة القصيد التي يتلذذ القارئ بها .. صح الله لساانك

الله يعز مقدارك

يامحمد

ويجملنا مع رجال الوفا شرواك

وصح بدنك

تقبل اطيب تحيه

المشاركة الأصلية كتبت بواسطة سعود بن سعد الحافي (المشاركة 878834) صح لسانك يالشاعر فهيد قصيدة جميلة كما أنت دائما صح لساك مع التحية لك ،،،،،،،،،،،،،،،،،،

الاجمل تواجدك

ياسعود لاهنت

وصح بدنك

تقبل اطيب تحيه

المشاركة الأصلية كتبت بواسطة مرزوق حمدان العتيبي (المشاركة 879175) .. شعبً دعى في غيبتك سر وعلان ويارب دعـوة خيـّراً مستجابـه امين امين ابداع بيض الله وجهكــ وصح لسانكـ .

الابداع تواجدك

يابومنذر لاعدمتك

وصح بدنك

تقبل اطيب تحيه