((((((( انـــت الـــرجى )))))))
 

[poet font="Andalus,5,black,normal,normal" bkcolor="transparent" bkimage="backgrounds/17.gif" border="none,4,gray" type=0 line=200% align=center use=ex length=0 char="" num="0,black" filter=""]
يانفس خلي عبرتك داخـل العيـن =

حذرى يجي للدمع مـرة مجالـي



دنيا رخيصه ماسوت ليـه تبكيـن =

وماغير ذكـر الله بهـا للزوالـي



احذرك يانفـس لا يظهـر الشيـن =

حذرا ترديـن الجـزى بالمثالـي


حتى ولو جاك الخطى من بعيديـن =

من يدمح الزلـه طريقـه عدالـي



ترى الرجل يصبر وفالصبر ثنتيـن =

قد قيل قبلي مـن رجـالٍ شكالـي



تكسب جميلٍ بين ربعك والاقصين =

ومن بعدها حقك يجـي بالكمالـي



هذي وصاتي كان يانفـس تبغيـن =

تمشين درب الخير صعب المنالـي



الشين يكتبلك كمـا يكتـب الديـن =

والشين ماهو من فعول الرجالـي



وعليك بالطيـب وتكفيـن تكفيـن =

عطـي دروبٍ ترفعـك للمعالـي



امشي على درب الرجال الكريمين =

اهل التقى اللي يكرمون السبالـي



وسنة نبي الله ترى العـز بالديـن =

ولاخير في من باعهـا بالريالـي



وعليك وصل الرحم للناس الادنين =

واجب عليك الوصـل اول وتالـي



انكان باقي فالعمـر عـدة سنيـن =

قومي اجمعي يانفس لك راس مالي



يبقى ليـا صرتـي بكفنـك تلفيـن =

ولاعاد يكتبلـك حـرام وحلالـي



ياخوفي انـك للطلـب ماتطيعيـن =

ولاعاد اميـز بيـن مـرٍ وحالـي



وياخوفي انـك تتبعيـن المظليـن =

وليـا تبعتـي رحـت واعزتالـي



وانا رجايه في مديـر الموازيـن =

وياخف ميزاني وشانـت عمالـي



اكرم كريمٍ واحدٍ(ن) ماهـو اثنيـن =

إمنزهٍ(ن) عن الشريـك امتعالـي



رحمتـك ابعبـدٍ ذنوبـه ملاييـن =

انت الرجى وانـا عليـك اتكالـي
[/poet]

ابن نجر

مرحبا بك يابن نجر


وحياك الله

وصح السانك



قصيدتن جزله من شاعرن جزل


لاعدمتك

وتحياتي لك

ابن نجر

صح لسااااااانك وسلمت


قصيده لا يمكن للشخص مدحها لان مقصر مهما كتب

لك كل التحيه والشكر على هذه الجزله

وعليك وصل الرحم للناس iiالادنين ii


واجب عليك الوصـل اول iiوتالـي


صح لسانك ياابن نجر


وتسلم على القصيده

ان من الشعر لحكم


قصيدة أكثر من رائعة

من شخص مبدع مثل ابن نجر


نرجوا عدم السكوت وامتاعنا بالجديد أول بأول من بحر شعرك

ونحن بالأنتضار


تقبل تحياتي ...

أبدعت ...
أبدعت ...
أبدعت ..

صح لسانك ,...
جزلة من راس جزل..



تحياااااااااااتي.

الأخ الغالي / بن نجر الله يعطيك العافية على هالدرة الرااائعه ولالالاغرابة مبدع



أخوك/ القثامي سمران

اخى ابن نجر

صح لسانك ولاهنت قصيده رائعه بكل ماتعنيه هالكلمه

ابدعت فأجدت في صياغتها ووجدت من يقول لك عشره على عشره

دمت بود مع باقه ورد