| *النجـــــم* |
03-Aug-2009 12:30 PM |
قلبي أبيض ما يحب الغش
السلام عليكم ورحمة الله وبركاته
للتواصل بعد الفاصل
اليكم الأبيات بدون مقدمات
صدقيني يا حياتي يوم قلت إني أحبك=اللسان يقولها والقلب والإحساس شاهد
ما خدعتك في كلامي شاهد ربي وربك=قلبي أبيض ما يحب الغش درب الصدق واحد
الله اللي جمعك هاثم بالخفاق صبك=إيه أحبك إيه أحبك ماني بكاذب وجاحد
ذي مشاعر قلبي اللي يحترق بالشوق ضربك=كن في جوفه وقايد من براكين و رواعد
باقي إني أعرف اللي يختلج في جوف قلبك=قولها خلك صريح ولا تكابر او تعاند
كان وجهة دربنا وحدة سوا دربي ودربك=بنترافق لين ناصل بأخره والله يساعد
أبرك أيامي وعمري يوم أحس إني بقربك=وأخبث أيامي ليا صرنا نتقارب ونتباعد
يوم تقبل في مهبي ويوم أنا بعاتي مهبك=فضها سيرة تعال وخلنا بس نتعاهد
خلنا نجمع حساني عمرنا وذنبي بذنبك=نكمل المشوار مهما صار ونشوف الفوايد
يمكن الدنيا تروق ويتفق سهلي وصعبك=ننهي جروح القلوب اللي نكابدها مكابد
في لقانا يا حياتي ظنتي طبي وطبك=ليا إجتمع شمل الأحبة ينقهر عاذل وحاسد
صدقيني صدقيني كل ما فيني يحبك=الفكر والروح والله مطلع فوقي وشاهد
|
