اخاف من بعض الدعيات ياقوم = اللي ليا نادو بها شعشعتني
وماني على بعض الرويات ملزوم = الا ليا من الدعاوي نصتني
اقدر الطيب وحييه واقوم = الصاحب اللي واجبه فوق متني
وبعض المجالس منبني مير مهدوم = وشخانته مصكوك لوكان مبني
وما الردى والطيب للناس مقسوم = يا كم مواقيف(ن) تجي وحرجتني
وخلك نظيف القلب لاتكثر اللوم = لاتعتذر وتقول حاجة رمتني
يا كم عريب جدود ويطيح ويقوم = يقول للي سود الليالي رمتني
ياسرع ساعات العمر كنها حلوم = اسائر ايامي ولوهي عصتني
وليا صفى جوك ولا باقي غيوم = ندعيك للعلياء وهي قد دعتني
حيث الوفاء منهج وعادات وسلوم = تفتن عريب الجد يا خوي فتني
وبعض العرب تكسب منه فعل وعلوم = منها تغذينا وهي قد غذتني
وما كل من يستر هفواته هدوم = اليا سمع يقول علمٍ بهتني
ولا الدهر ويلات واحزان وهموم = ياما علومٍ بالخفاء ولعتني
عنها وعن من قالها دايم اشوم = احاول انسها وهي ما نستني
درب ٍ يقل الرأس للكل مرسوم = كلٍ يماريبه يقول جذبتني
ماني معلم شئ للناس معلوم = لكن شفت علوم حيل ادهشتني