أنَا ليا دارت رحى الايام سديت اللزوم = على كثر مابي من أظروف الزمن مانيب ردي
لون حظي منسدح عامين عيَا لايقوم = أليا طلبني صاحبي ماوالله تقصر يدي
لن الرخامه من على الجدان ورث للرخوم = ماهيب للجدي ولا لبوي ولاهيب لولدي
فينا طبيعه والله أنَا ماتصنعنا السلوم = حنا هل الوقفات والفزعات والكف الندي
حنا ذوي عالي لياوصلت ليا لمس الخشوم = نموت ما يبقالنا باقي ولا نقبل فدي
وليا حتدانا للقضا ماناخذ ألا روس قوم = ناخذ كبير القوم لونه ماهوب المعتدي
فردى ظحيانا يطيح وجعل حظه مايقوم = أليا التوينابه نهار الكون والجمع يحدي
وأنته بعد جاك الخبر وراك ماجبت العلوم = وأنا حسبنك لا قست سود اليالي مسندي
أنا حسبنك لو أبنخى كل ليل وكل يوم = من طيب راسك كل موحيتني جيت تعدي
وأثرك منت بقد هقوتنا تلقتك السهوم = يامال فرقى العين ياراع البساط الاحمدي
أللي طلبته منك عشر أرقام مابين الرقوم = وأنا ولد عمك سعودين وأبا حق أبلدي

المشاركة الأصلية كتبت بواسطة ابن صنهوت (المشاركة 897051) صح السانك يا طلال شاعر مبدع فالمحاوره والنضم وليس مستغرب منك الابداع فانت عنوانه ويستاهلون العوالي لاهنت يالذيب

المشاركة الأصلية كتبت بواسطة عبدالرحمن الهيلوم (المشاركة 897241) صح السااااااااااااااانك ويستاهلون العوالي الطيب

المشاركة الأصلية كتبت بواسطة سلطان بن دحيم (المشاركة 897447) صح لسااااانك مبدع و يستاهلون الاد عالي المدح ويزهاهم تحياتي

المشاركة الأصلية كتبت بواسطة عفتان العتيبي (المشاركة 897451) صح السانك يا طلال شاعر مبدع فالمحاوره والنضم وليس مستغرب منك الابداع فانت عنوانه ويستاهلون العوالي لاهنت يالذيب