مشاعر مبعثره
 

السلام عليكم ورحمة الله وبركاته ..

بعد طول غياب عن منتدانا الغالي عدت اليه بمشاعر مبعثره اتمنى ان تحوز على رضاكم ويسعدني ويشرفني التواصل معكم من جديد :


الصدر مركب والحزن كنه بحور..
وياما من الأمواج راحت سفينه

والصبر لوحه كنها عقد منثور..
ومن خبرة الرسام تصبح ثمينه

طبع البشر بالفكر حرك لي شعور..
وحرفي تحرر من خفايا دفينه

منهم طليق الوجه تلقاه مسرور..
ومن طيبته ودك تقبل جبينه !

والبعض شر ومنطقه كله شرور..
بطبع الجهل والخبث اصبح رهينه

العيب يفرق بين ظاهر ومستور..
واللي ظهر له جعل ربي يعينه

والرجل يصلح مايصيبه من عثور..
يسلم من الزلات باقي سنينه

مثل الوجع لاصار سهلن ومخبور..
تلقى علاجه سهل من واصفينه

وفي سورة الانفال بين لنا نور ..
العبد يصلح من فعايل يدينه

صلح عيوبك واجتهد واسمع الشور..
عيب الرجل مرات يمكن يهينه ؟

اخوي عبدالرحمن الهيلوم بيض الله وجهك وماعليك زود وانا اخوك .

اهلا بك اخوي بندر.. وبمرورك الكريم حياك الله وماعليك زود .