بين القصيد وبحر الاشواق تاريخ=ميلاد عمر الشعر يوم الطفوله
يوم القصايد وزنها يحكم الشيخ=ومقدارها مقدار بنت الحموله
واليوم صار الشعر عند الطبابيخ=كلن وراء الأعلام يشعب ذلوله
أربع حروفن قدم حضرة تليفيخ=لا صار يدفع للجماعه عموله
أعلام بالتصويت وزيف التواريخ=صار العلم بهلول في كل دوله
يطلع على الشاشه رومنسي وكشيخ=ومن الدلع نضرات عينه خجوله
يومي بيديه وشجعوه المصاميخ=حتى ليا منه ترع صفقوله
أهل العقول أتميز الذيب والذيخ=يوم أن قول الرجل يشبه فعوله
الرجل وان جاله من الوقت توبيخ=عقدة زمن بين الليالي محلوله
ولا أنت يالي تنوخ القاف تنويخ=باقي تشن الحرب وتسرج خيوله
ليه السبب تدري ياسيد المطانيخ=لان الذلول مقيده ومعقوله
شايخ وشامخ بأعذب الشعر ويشيخ=فالماقف الغصاب لا وصل دوله
النجم يبقى نجم فوق الشواميخ=نجم(ن) يهد الرجم لوكبر زوله
ان كان تبغا المجد عان المصاليخ=أمدح طويل العمر شيخ الرجوله
وضرب بحر أنسف جبل بالصواريخ=مافيه حاجه تاصلك في سهوله
جاك الكلام الي يفش المنافيخ=أمن الذهب صغنا ياقوته و لولوه

يومي بيديه وشجعـوه المصاميـخ=حتـى ليـا منـه تـرع صفقولـه

المشاركة الأصلية كتبت بواسطة عمر العتيبي (المشاركة 912601) وعليكم السلام ورحمة الله وبركاته صح لسانك يا محمد وبيض الله وجهك شاعر جميل وقصيده جميله احترامي

المشاركة الأصلية كتبت بواسطة ابن طامي (المشاركة 912610) يومي بيديه وشجعـوه المصاميـخ=حتـى ليـا منـه تـرع صفقولـه هههههههههههههههههه أضحك الله سنّك .. صح لسانك ,

المشاركة الأصلية كتبت بواسطة سيف نت (المشاركة 914605) محمد السبيعى صح لسانك

المشاركة الأصلية كتبت بواسطة سعود العصيمي (المشاركة 914675) النجم يبقى نجم فـوق الشواميـخ نجم(ن) يهد الرجم لوكبـر زولـه الله الله صح لسااانك يابن شبيب رااائعه