ألا ياموتري عان الطريق اللي يروح أيمين = نبا نمشيه ليننه ليا ربعي يوديني
نبا نمشيه طيب وغصب والقاسي معاه أيلين = أنا وشلون أغيب أعن الرفيق اللي مناديني
ليا نادى الرويس ألحفلت الغالين والغالين = لهم دين وعليه حق لين أوفي الديني
مواقفهم تنومسهم مع الأدنين والأقصين = يومن أظروف وقتي والزمان الشين حاديني
ليا جيت الموالي قالي أبشربها هاللحين = أنا لا جيتني من دونها ماتقصر أيديني
عتيبه ياعتيبه كلبوكم مثل سور الصين = تطيح القوم من دونه ومن خلفه عزيزيني
سلام الله سلام الشاعر اللي ماكسب صوتين = ولا غنا بيوت الشعر طمعان الملايني
ولا غنا يبا يكسب معرفة داعج العينين = لاكنه كاسبٍ عرف الرياجيل المسميني
أنا يكفيني إني حاظرٍٍ حفلة دغش وحسين = ومواقيفي مع ربعي ليا نادو تكفيني
وإما كامرة صور وسجل خلها بعدين = إذا ماجاتني صدفة قدر ماهي بتعنيني
مدام الشعر تال الوقت جاين فيه زين وشين = ليامني ماجيت أبزينه الله لايحيَني
عسى ربي يجملني مع الشعار والصفين = ومن بلوى القصيد اللي بلا معنى يعافيني
ولا ياموتري عان الطريق اللي يروح أيمين = نبا نمشيه ليننه ليا ربعي يوديني
أنا ربعي عتيبه كلبوهم مثل سور الصين = تطيح القوم من دونه ومن خلفه عزيزيني

المشاركة الأصلية كتبت بواسطة محمد العتيبي (المشاركة 919166) الله عليك يابو ناشي مبدع مبدع .. ماشاء الله ..صح لسااانك تحيتي لك واعجابي ..

المشاركة الأصلية كتبت بواسطة سعد بن عون (المشاركة 919174) صح لسانك ياطلال مبدع تحياتي لك

المشاركة الأصلية كتبت بواسطة تركي العبدالله (المشاركة 919176) صح لسانك يابو ناشي ولك تحياتي واعجابي على هذه الرائعه

المشاركة الأصلية كتبت بواسطة ّديب عروا (المشاركة 919249) صح السانك ونعم في ربعك عتيبه ويستاهلون قصيده جميله وفيها الوفا والاخوه لاهنت