قصيدتي تخلي البعض طربان=والبعض صدره يحترق بالغبينه
قصيدتي موضوعيها جيش الأخوان=يوم(ن)مابه شاعر رد دينه
جيش أساسه دين سنه وقرأن=أخوان فالطاعه وفي نصر دينه
أفعالهم يشهد لها كل ميدان=الشاهد التاريخ ياجاحدينه
جيش مع أبن بجاد يتليه عتبان=ياويله اللي بالردى قاصدينه
معه الدويش اللي معه جيش مطران=كم فارس يذبح بضربة يمينه
وأبا الكلاب اللي معه جيش عجمان=كم راس شيخ(ن)باللقا قاطعينه
راح الشريف اللي حكم عدة أزمان =من مكه وطيبه جلا مظهرينه
وأبن رشيد اللي له الطيب عنوان=جاه الصباح وروحو ذابحينه
والترك ساقوهم ليا حد خيطان=البيك من قصره غصب طاردينه
مرحوم يانايف وفيصل وسلطان=ياحايزين الطيب ياكاسبينه
سلطان واف(ن) بالمواثيق ماخان=وفيصل ونايف بالمثل تابعينه
الله يجازيكم بعفو(ن)وغفران=ومعروفكم ماهمنا ناكرينه
هذا كلام الصدق ماني بغلطان= قاله ضمير(ن) حي والله يعينه

المشاركة الأصلية كتبت بواسطة شلاش الcrazy (المشاركة 921418) حي الضمير وفيت وكفيت.. قصيدة سوف تسجل فالتاريخ... ماأقول ألا لله درك.. والله يكثر من أمثالك..

المشاركة الأصلية كتبت بواسطة احمد منير الروقي (المشاركة 921425) يعطيك العافيه اخوي حي الضمير الحي وصح السانك والله وختيارك موفق اخوي وحفظك الله ورعاك

المشاركة الأصلية كتبت بواسطة هايل العتيبـــي (المشاركة 921426) رحمهم الله جميعا وجعل الجنه مثواهم .. صح لسانك يالشاعر ..كفيت ووفيت .. سجّل اعجابي وحظوري .. .....