الله بنون نشـوف العصـر منشـاه=وليا أدلج الليل شفنا لايـح بروقـه
البرق يبرق وضاف المـزن غطـاه=وقامت بروقه تشاعل قدمـه وفوقـه
ثم أرتكى في علاوي نجـد وسقـاه=وقام الهوى يدرجه بالهون ويسوقـه
على وسط نجد قام البـرق يصـلاه=مزنه تخدر تقـول النـار بوسوقـه
وعلى عفيف أرتكـى ورواى قريـاه=عنه الهوى قـر والرعـاد مدقوقـه
وايمن عفيف وشمالـه زان مسـراه=وقام الهوى يقهره من قدم ويعوقـه
كنه يقول الطلب لي واقبـل الجـاه=برقه يهيض مخيله حيـل ويشوقـه
وبعد إستكن الهوى مزنه نثـر مـاه=ماعاد يعرف حشاط الأرض وعروقه
وعقب أرتكى قيل كل الـدار مسقـاه=في كل ديره تشوف البـرق لاهوقـه
كلـن بـداره وجـاه الغيـث ورواه=بالمملكه غربها والشـام وشروقـه
وايضا الجنوب المسمى جاه ورهـاه=خمسة عشر ليل عنا مانقطع سوقـه
العشب شعشـع وكـل زان ممشـاه=حتى الذي فالحضاره غصب ن إشوقه
الخير صـدق وكـل حقـق إمنـاه=وراع البداوه تشوفه يبطـح إلنوقـه
في كل جو تشـوف الـذود يرعـاه=ماهمه الوقت كـل الـدار مغروقـه

المشاركة الأصلية كتبت بواسطة المرعـب (المشاركة 921187) صح لسانك يالمرشدي قصيده رائعه عنونتها بعنوان (الاستغاثه) وليتك عنونتها بعنوان آخر كـ وصف للرعد والبرق والمطر لأن لا يوجد بها استغاثه <<<< مسوي الدكتور دغسان :) على العموم صح لسانك

المشاركة الأصلية كتبت بواسطة هايل العتيبـــي (المشاركة 921451) صح لسانك يابن مرشد .. والله يعطيك العافيه .. سجل اعجابي .. ....

المشاركة الأصلية كتبت بواسطة أبو فيصل الدلبحي (المشاركة 921621) الله يقبل استغاثتك واستغاثة العباد والارض جزاك الله خير يالمرشدي قصيده جزله بالحيل صح لسانك ولاهنت تقبل مروري