بالله يادار الرعايه والأيتام = ياهل القلوب الطيبيه والرحامه
بالله حطولي بها الدار مرسام = وحطو عليه اعلان والا علامه
قولو ترى يتمه سبب حبه السام=خله لعين وصار سبة عدامه
الي ذبحني بالغلا زين الأحلام=واخر نهاية صار يسحب كلامه
وانا يتيم الحب مغرم ومنهام =وخلي من الحرمان جود لثامه

متعــب العـــالي

يااهل الهوى قولو لمتعب بعد حام = يترك طريق الحب قبل الندامه
الحب في هاالوقت مغرم ومنضام = وهذا اعترافاته وهذا بهامه
ومادام غالٍ عندنا يابو عرام = حبيت اوضح لك طريق السلامه
الحب ماينطاق من عدة اعوام = مضرب مثل مابين نجد وتهامه
العشق درب اهل الوفا فدح الاخصام = لن جا نهارٍ مثل يوم الرغامه
يومنها ماتنحني روس الاعلام = لو لشقر البارود ضل وعسامه
لعيونها فعلة تدون باالاقلام = وهى له تشوم ولايجيها ملامه