يتلي عرب عضيان وحمود وثبيت عيال روق مدلهين الجلاوي.
 

بسم الله الرحمن الرحيم


السلام عليكم ورحمة الله وبركاته

يتلي عرب عضيان وحمود وثبيت عيال روق مدلهين الجلاوي
اخواني هذي البيت دائما اردده من كثر ماحفظته من شيبانا الله يحفظهم ويطول في اعمارهم على العز والطاعه قولو امين ..


البيت هذا لفارس من قبيلة مطير العزيزه علينا وهو من ذوي عون وربعه كما سمعت من شيبانا يقال لهم المحانيه

وكان معروف بشجاعته هو وربعه ذاك الوقت ..

المهم قدر الله على لافي انه جلا مع ربعنا روق من عتيبه بعد قتله رياجيل واصبح واحد بينه وبين روق عشره واخذ ايام طويلة وهو بين احضان قبيلتنا العظيمه وفي احد الايام قال هذي الابيات ايام وهو جلاوي مع روق وكان لها سالفه خاصه به هو...
واصاحبي اللي دون بيته مية بيت= دونه سباعن يجذبن التعاوي
انا بخشم الذيب وهوه بحليت= عليه من نو الثريا مهاوي
ياليتني من زل ريقه تداويت= قدام فيه لايضيع النداوي
يتلي عرب عضيان وحمود وثبيت= عيال روق مدلهين الجلاوي

وبعد مده طويلة رجع لربعه واخذ سنين طوال ويقال باحد المعارك مع روق وهو مع ربعه ولم يكن يعلم ان الاعداء هم ربعه اللذين جلا معهم الروقه ولاكن كان القدر المحتوم وكانت وفاته بها من الغرابه وهي انه
اذبحه لافي من قبيلتنا عتيبي وهو ذبح العتيبي يعني لافي المطيري ولافي العتيبي
وقال شاعر من قبيلتنا هذا البيت المعروف والمشهور :

عينت لافي تنمر بلافي خلبن مخلبها في ترايبه


وسلامتكم ..

ملاحظه:

اسمه لافي بن غنيمان والعتيبي اسمه لافي الروقي

يعطيك العافيه والاد روووووووووووووق مرجحين الموازيين ونعم بالهيلا كـــافه

الله يعافيك

وعيال روق مدلهين الجلاوي هذا يعتبر لقب يضاف لمرجحين الموازين وكل عتيبه مرحجة الموازين ومدلهين الجلاوي

والله ونعم وكفو

لاهنت ياغالي