الشعر ميدان(ن) صعيب المساليك = يا ويل من يعكس به السبل ويلاه
اما غدا مضحاكة(ن) للصعاليك = وافسد أذواق الغانمين وهل الجاه
والا تلقى من خصومه دبل كيك = وصبح مثل ينقال لاصار طرياه
دونه بحر عائم ودونه تلفـريك = ونهاية حبال التلفريك في مـاه
ان ما سلكت من أوله جعل يفديك = خله يروح وهفة مقـيط ورشاه
لا تعلجه علج البشر للمساويك = وتروح مثل اللي يبا الدرب واخطاه
ان كان شعرك ما ينومس مباديك = ويطرب له السامع ليا قمت تقراه
مالك ومال معقـدات الشـرابيك = ترى أول المشوار ما يشبه أتلاه
وكانك قدرت توثق الحبل بيديك = وتجاوز الجـم الغـزير وتعـداه
فانته سلمت وسلم الله مساعيك = اعبرعلى وضح النقاء أنت وإياه
انته وشعرك والطواري طواريك = ابدع من أصناف العبر والمعاناة
هي موهبة لكن تجاربك تعطيك = وسع الخيال ومفردات(ن) منقـاة
تكفون يا شعار هذا وهاذيـك = النظم والقلطة ترى جـاه ما جـاه
من أول الشاعر ليا جا يسليك = ويهز وجدان الضما ير من أقصـاه
واليوم راح الشعر مثل التماتيك = كل(ن) يسوقه صار ماهو بمشهاه

المشاركة الأصلية كتبت بواسطة هايل العتيبـــي (المشاركة 935021) الله الله .. صح لسانك يالمرزوقي ..والله يعافيك . سجّل اعجابي بما قدمت .. ...

شكراً أخوي سلطان

على مرورك الجميل

لاهنت

شكراً لمرورك أخوي ولد عساف


لاهنت تحية.