عشرين عام و غدى راسي كما راس عود = عود ٍ همومه تجرّه حسب خطواتها
لا قال هانت همومه جاه زود ٍ و زود = ضاق الفضاء و الهقاوي باع هقواتها
ضيّع شقاه وغدا زرعه بدون إمحصود = حتى عيونه عماها كثر دمعاتها
وجدي وجودي مثل وجده وجودي وجود = وجدي على نفسي وعيشة معاناتها
زوّار قلبي يجون القلب دايم وفود = الهم و الحزن والضيقه مع إخواتها
إن جيت أطق القفل همّي يفك العقود = يعني قفول القلوب يساوي إفلاتها
حالة حزن حالة فراق ٍ تبيح السدود = بالمختصر حالة ٍ ياصعب مشكاتها
ما هي بضيقة هوى وألا مبادل صدود = لا والله ألا من الوحده و ساعاتها
صار الفرح و الهناء عندي عدو ٍ لدود = وأحزاني اليوم قوّت بي علاقاتها
أجامل الناس و أخفي ويش فيني يسود = ما ودّي الناس تلحقني بنظراتها
أساير الوقت و أمشي من حدود لحدود = وما أخالف الناس لو تخلف بوجهاتها
عام ٍ مضى لي وحيد أخذت أنا منه فود = درّسني إن الحياه تفيد لحظاتها
حياتنا مدرسه من دون شرط و قيود = و اللي فطن للحياه يشوف وقفاتها
ناس ٍ تفاخر بزود قروشها و النقود = وناس ٍ تصلّي و تدعي في صلاواتها
كلا ً على همّه و خطوته رجله ترود = وكلا ً يغنّي على ليلاه دقاتها
يا أبوي لو قدم وجهي درب كله سدود = والله ما عاقت الخطوه ملاقاتها
حلم ٍ بغيته يصير يصير لو قيد قود = لو قدمي الناس ما طالت طموحاتها
حر ٍ وحلمي حبارى زينها زين خود = لا شافت الحر تكتب قدمه وصاتها
من جيتها مفرغ ٍ وقتي و كل الجهود = من شانها لجل تعطيني شهاداتها
صدق المدامع تهل و جرّحت فالخدود = من وحدة ٍ عشتها يامصعب أوقاتها
لكن لجل عينك أنته يا عريب الجدود = ماني بمرخي عزومي قدم شداتها
والله لأضد الضدود اللي تضد الضدود = و الضيقه اللي تجيني عندي دواتها
ماني ولدك إن طرحني هم فيني يزود = وألا ليا سوّت الضيقه بي سواتها
شبل الأسد ما يقابل غير روس الأسود = ما عاين البسه و كثرة صغيراتها
عزمي ليا حان وقت الشد شد الشدود = مايرتخي والثقال يشيل حملاتها

المشاركة الأصلية كتبت بواسطة الغضباني (المشاركة 936511) ياجعل عمرك يطول سنين ويا سنين=وتحقق اللي تبي وتحقق اللي تبي صح لسانك يا عمر جزله ومن راس جزل وعسى الله يحقق لك مبتغاك

المشاركة الأصلية كتبت بواسطة مرزوق حمدان العتيبي (المشاركة 937062) .. . مبدع وصح لسانكــــ يابو الحميدي ..... مجار ياتاج راسي ... :) ....

المشاركة الأصلية كتبت بواسطة سعد السميري (المشاركة 937086) بسم الله الرحمن الرحيم السلام عليكم ورحمة الله وبركاته .. :) .. // ،، . ترقص الأحرف نغما فقدكوًٍنت لنا هذه الزهره .. ~! [ .. هنيئا لك ماخطًت أناملك < " أستـ1ذي : عمر الدغيلبي :) صح لسـ1نك .. وعلآ شـ1نك .. رآئعة وألبستها أفخم الحريـر .. نتطلًع لجديـدك تحيتي / .... ~ @