[الجوراسي]

قال الخـلاوي والخـلاوي راشـد=عمر الفتى عقب الشباب يشيـب
حسبت انـا الأيـام بالعـد كلهـا=ولا كل من عد الحسـاب يصيـب
حساب الفلك بنجم الثريا مركـب=يحـرص لـه الفـلاح والطبيـب
فيلا صرت بحساب الثريا جاهـل=ترى لهـا بيـن النجـوم رقيـب
الى غابت الثريـا تبيـن رقيبهـا=ويلا اطلعت ترى الرقيـب يغيـب
ولا قارن القمـر الثريـا بحـادي=بعد احد عشر عقب القران تغيـب
وسبع وسبع عد له بعـد غيبتـه=هذيك هي الكنـه تكـون مصيـب
ومن بعدها تطلع وبها القيظ يبتدي=وتاتي بروق ولا يسيـل شعيـب
ويلا مضى خمس وعشرين ليلـه=ثقل القنا من فـوق كـل عسيـب
وتطلع لك الجوزا وهي حنة الجمل=وتاتي هبايـب والسمـوم لهيـب
والى مضى خمس وعشرين ليلـه=يطلع لك المـرزم كقلـب الذيـب
والى مضى خمس وعشرين ليلـه=يطلع سهيل مكـذب الحسيـب
والى مضى خمس وعشرين ليلـه=تلقـا الجـوازي طردهـن تعيـب
تلقا الجوازي مـا تناظـر مقيلـه=ليلـه نهـار وتجتلـد وتليـب
والى مضى خمس وعشرين ليلـه=لا تامـن المـا صيبـه صبيـب

أحب ان اوضح للجميع الزوار والااعضاء كيف نحسب حساب الخلاوي بهذة القصيدة

اولا هذة القصيدة توضح بداية الحساب من طلوع الثرياء وطلوع الثرياء يبداء فى 5مايومن كل عام بالحساب الميلادي

لانة مايتغير مثل الهجري,, لذا نجمع ماذكر الخلاوي فى قصيدتة ,5يوم من مايو طلوع الثرياء مع 11و7و7=30مايو

بداية القيظ بعدها الـــــــ 25 يوم الاولى تنتهى فى 22يونية الموافق 10رجب 1431هـوفيها يثقل قنا النخيل على العسيب

وتطلع الجوزاء وشديدة الحرارة ومن شدة حرهاالجمل يحن من الحر وبها هبايب وسمومها لهيب ثم نحسب الــ 25 الثانية

تنتهي فى 17يولية الموافق 5شعبان 1431هــ يطلع المرزم ثم نعد الـــــ 25 الثالثة تنتهي فى 11اغسطس الموافق

1رمضان 1431هــــ ويطلع سهيل وتقو العرب اذا طلع سهيل تلمس التمر بالليل ولا تأمن السيل ثم نعد الــ 25 الرابعة

تنتهي فى 5 سبتمبر الموافق 26 رمضان 1431هـــ ويصف الخلاوي ان الغزلان الجوازي ماتبي المقيل ماتناظر مقيلة

بداء البراد الله يرحمك يالخلاوي طلع جيل كل شىء يمشي على الاارض ابادوةحتى الشجر ثم نعد الــــــ 25الخامسة

تنتهي فى 30 سبتمر الموافق 21شوال 1431هـــــ حيث يتوقع هطول الاامطار بداية الوسم 1 اكتوبر من كل عام

ارجو اني وفقت بالتوضيح وكل الشكر لوالدي الذي قال لي القصيدة ادعولة بالصحة والعافية كذالك ارجومن يقراء

هذا التوضيح ان يدعولى بحياتي بالصحة والعافية ويدعوا لى بالرحمة بعد مماتي

ولكم خالص // تحــــــــــــاتي

م ن ق و ل