الموضوع
:
المــنتدى اللــي فيــه شــجعآن وقــروم ( منتدى الهيــلآ )
عرض مشاركة واحدة
22-Dec-2010, 01:16 AM
رقم المشاركة :
1
معلومات العضو
طلال ناشي
شـــاعــر
إحصائية العضو
التوقيت
المــنتدى اللــي فيــه شــجعآن وقــروم ( منتدى الهيــلآ )
بعد التحية
زملائي الكرام أطرح بين أياديكم هذه المتواضعه
عسى أن تنال إستحسان الجميع وأن لا توارى الثرى
المنتدى اللي فيه شجعان وقروم = عيال عم وكلهم من قبيلة
ربعٍ على الطالات ما فيهم رخوم = عتيبة الهيلا هل المستحيلة
واللي معاهم من هل الطيب محشوم = يروح ما يشكي من الربع ميلة
من روس قوم وعزوته تنطح القوم = لا ناش رأس الزند خشم الفتيلة
يا ميت النيران يا سلالة البوم = ما يستوي لك وانت ما تستويله
لا صرت من جزل التعابير محروم = لا عاد تبدي في الرجوم الطويلة
ما أنت بعلى بعض التدابير ملزوم = اللي عواقبها عليك الفشيلة
ارتح وفي ما يطلق الوجه مخدوم = الحمل يلقاله بعيرٍ يشيله
حنا رياجيل ولنا دل وسلوم = والكل منا عارفٍ وش حصيله
وقفاتنا تشهد لها الفرس والروم = اليا وقفنا بالسيوف الصقيلة
بوجيهنا نقلط ولو يكثر الحوم = وعلومنا ما تختلف كل ليلة
وانته تروج علم وعلومك علوم = خلف السناح وتدعي بالجزيلة
مرسول قومٍ تنقل الكبر والزوم = ما منك عز وعيشتك ويش هيله
ما تحمل الشرهه ولا تحمل اللوم = عميلك الدنفوس وانته عميلة
ان طعتني خلك من الشات للروم = وسولف مع نجل العيون الكحيلة
كلٍ على قده تفصل له هدوم = للشيخ بشت ولأم دندوش شيلة
إن قلت أبا عدل خطأ ما أنت معصوم = لابد تخطي يوم بأيَت وسيلة
والناس عاشت بين ظالم ومظلوم = واللي بدون إثبات وش يدعيله
وراه ما يأكل ويشبع من الدوم = ماله ومال ام الشحم والهزيلة
والرزق عند الله مقدر ومقسوم = يسعى ورزقه بذن ربه يجيله
ياراكب اللي فوقه العفش محزوم = شاصٍ مديل اخر سنتنا مديله
عليه بأمر الجمرك أرقوم وختوم = أليا نتعش بثنين يطرب عويله
أوداعة الله معك لا تطري النوم = حتى تلبق عند راع الكحيله
القاضي اللي ماقضا فم كلثوم = حلال عقد المبهمات المهيله
لون من دونه ظلاعين ورجوم = انا ردي الرابعه ماعنيله
أما يعدل ميلها من هذا اليوم = ولا مداج العوج يلقى بديله
هاظت هواجيسي وفي خاطري كوم = والهرج يكفي عن كثيره قليله
أن كان سيف الحق يالربع مثلوم = لا بارك الله في يمينٍ تشيله
التوقيع
يامحمد الشوق يذبح والغلآ سنه = لآ لآ غلآهآ القصايد كيف أغنيهآ
شقراً شعاهآ الغرآم وجات مستنه = ما كنها ألا فرسك اللي مربيهآ
مشاعري في غلآها مالهآ منه = وآلله لو أشوفهآ لاحب رجليهآ
طلآل نـاشي العـآلي
talal945@hotmail.com
طلال ناشي
مشاهدة ملفه الشخصي
إرسال رسالة خاصة إلى طلال ناشي
البحث عن المشاركات التي كتبها طلال ناشي