نبت الشمطري .. !
القلـب عنـدك وخلّيتـهْ =ما يامَن اِلْواحد(ن) ثانـي
حاولـت أصـدّه وبَكّيتـه =حاولـت أشـدّه وعنّانـي
والحب طفل(ن) وضمّيتـه =سالتْ ادموعه على شاني
والحب جرح(ن) وونّيتـه =كم عافت الروح ما جانـي
والحب لحن(ن) وغنّيتـه =ويامـا تمثّـلْ وغنّـانـي
والحب صوت(ن) وجرّيته =في مرقب(ن) وسْط خلياني
والحب ورد(ن) وشمّّيتـه =تـوّه تفَتّـحْ بالاغْصانـي
والحب سـرّ(ن) وخَفّيتـه =لا يدري السـرّ عدوانـي
والحب وقت(ن) وقفّيتـه =ذكرى اتْغـرّدْ بالالْحانـي
والحب عهد(ن) ووفّيتـه =ما دمْت حيّ(ن) بالاوْطاني
و(نبت الشمطري) ألا ليته =ينبتْ لنـا كـلّ الازْمانـي
***
* عاشق الحقيقة *
النشر هنا :
4/2/1432
هـ
| التوقيع |
الآراء كثيرة مُتباينة .. وتبقى الحقيقة واحدة .. تراها العين التى ترَى بالعقل من منظار النقل و الهُدى ، لا العين التي ترَى من منظار الفِسق والهَوى !؟
.
.
|
آخر تعديل عـاشـق الحقـيـقـة يوم 08-Jan-2011 في 03:12 AM.