[فهد الشهيب الثبيتي]

الله الله

بيض الله وجهك يابن شرير والحقيقة انك مكسب للمنتدى

وماقصرت على ايراد بعض من تاريخ واداب عتبان الحجاز "مرسى القبيله" ونطمع للمزيد منك فأنت موسوعه نستفيد منها كلنا

وانا عندي اضافة بسيطه وهي بيتين للشاعر " مرحوم الشهيب" والد الشاعر الكبير رحيم الشهيب

بعد احد المعارك لقبيلة الشهبه الثبته مع قبيلة مجاوره ويقول فيها

عزوتي يامعول ٍ فض هنداس الحبوس=فض حبس الماء وياضامي اشرب من صفا
مثل سيف ٍ لاهوا , قطـّع الجثه وروس=ضاري ٍ بالزود من عقب مخلاص الوفا

وهناك ايضا قصيده للشاعر رحيم الشهيب عندما غزا "المديّنه" ويقال ان معظمهم بقوم, على الذويبات الثبته وذبح منهم البواردي الذويبي " اخو صالح" حيث كان يعتزي باخوه كل ماطرح فارس 13 فارس وانكسرو ولكنها لاتحضرني الآن لكن ان شاءالله نجيبها من عند الشيبان وهي على لون الشقر

وهذه ردحه قديمه لأحد شعار الشهبه يقول فيها

سلام ياسور ٍ والاد شهيب بابه=تحماه من صفق العوالي والصبا
جينا لعانينا بعد جانا كتابه=ماهو لقاليّة سلام ومرحبا

وهذي ردحه للشاعر مرحوم الشهيب عندما بدو على السلاقا ويقول فيها :

سلام ياوادي السلاقا=سقاك ربي من سماه
جينا كما نو ٍ تلاقا=سيله يسابق وقع ماه

وسلامتكم جميع

التوقيع

برقا وروق أبنا ثبيت الاصيلين=ومن ثبت اصله شرفه واعتزابه

آخر تعديل فهد الشهيب الثبيتي يوم 04-Feb-2011 في 06:38 AM.