ياصاحبي قد قيل مافات قد مات =وأنا على ماقيل ماغط صوتي
يابوعلي خل الدروب العسيرات=والطيبه نشفق لها لا تفوتي
يامل قلب فيه ونه وونات=دواه ممشا فالسهل والخبوتي
والمرجله وهبه من الله لن جات=واللي قصر عنها يجعله يموتي
أتعب لها من شان بعض المعانات=ومن شان أوفر رزق يومي وقوتي
والمرجله ماهيب جمع الريالات=ولاهيب جمع جموس والا فروتي
اليا جمعت النعم في كل الاوقات=واديت دينك بالتقا والقنوتي
وأبعدت عن قول الريا والدعايات=وقطعت دابر كل حاسد شموتي
كم واحدن ماله ملايين ويبات=طبع الشحاذه فيه صعبٍ تفوتي
وان كب هذي صف عند العيادات=سهران يوم ان الاوادم خفوتي
والمسعد اللي يظهر الحق دفعات=يظهر حقوق الله قبل لايموتي
أقولها والعين تنزف بعبرات=فالقبر نطلبك الرضا والثبوتي
والناس غيرها الزمن والشعارات=تخدعك بلبوس الغتر والبشوتي
ياكثر مافكرت مره ومرات=فاللي تفاخر في خراب البيوتي
ياشينها لاقفيت والحقك طعنات=وهو يحسب انه من كبار البخوتي
مايدري انه شق صف الجماعات=ويقول أنا الماهر بلعبي وشوتي
يالله ياعالم بالأحيا والاموات=ياعالمن قولي وعالم سكوتي
طالبك انا يالله رب السموات=انك تعافيني وتقبل دعوتي
| التوقيع |
|
التوقيع
محمد الذيابـــي |