السلام عليكم ورحمته وبركاته
محاوره لم تاخذ حقها من الشهره بالرغم من قوتها
فلاح القرقاح
سلامي سلام يخص ريف المشاويح
من اقصى غلى قلب تمثنا صميمه
سوالف حبيب للقلوب المجاريح
سلامة جريح القلب منها غنيمه
حبيب العازمي
هلا مرحبا واقلط على هبت الريح
على فضل من فضله عسى الله يديمه
على تسعة الاقفال تسعة مفاتيح
ولا يندم الا من سعى بالنميمه
فلاح القرقاح
عسى الله يعز اهل الوجيه المفاليح
عيال الزعيم مثبت شداد ريمه
هل ترا اللي ماخاوا هل العزوم الطحاطيح
يكسر شداده ؟؟؟؟؟؟؟؟؟؟؟؟؟؟بالهزيمه
حبيب العازمي
كلامك صحيح ولا يبا الصح تصحيح
حروب الكرامه في اليدين الكريمه
عشقة المساري ماعشقة المساريح
عسى الله يجيب لك العواقب سليمه
فلاح القرقاح
وردنا على هداج والمايح يميح
ومسرح شرف ماهو بمسرح جريمه
عيون المها ياطير شلوى طوابيح
.................................................. ....؟
حبيب العازمي
سبحنا البحور اللي تهز السوابيح
وحنا خوال اللي رضع من حليمه
والا يافلاح الحق بالحق تبريح
مطوع ترا واجب عليك تحريمه
فلاح القرقاح
وحنا عمام المجد والفطر الفيح
كلامك تذب ابه البساع الخريمه
محبة نسيم العود والمسك والشيح
ترا لو يحرمها المطوع ظليمه
حبيب العازمي
صدقتو هل الفطر واخذها شليويح
صراحه ياصعب النصر عقب الهزيمه
ياقرب القتايل من خشوم المقاديح
عسى سمن ابوعرام يدهن يديمه
فلاح القرقاح
خذاها واخذ راسه صدوق التصاريح
صتيمه ولاغير الصتيمه صتيمــــه
ترا موعدك لاسيقة الهجن لسيح
اعزمك لونك ماتبالي عزيمه
حبيب العازمي
طبيعي ضحكة شوي وشويَ تصيح
وابوزيد حط عضامها في بريمه
من اللي ؟؟؟؟؟؟ جنوبَ مدابيح
قلعتك من الديره كما طنب خيمه!!
فلاح القرقاح
انا مابغيت يصير شرهه وتجريح
لكنك تدورها يامال الغنيمه
آخر تعديل مهنـا العتيبي يوم 20-Jul-2011 في 04:14 AM.