قصيده رائعه للشاعر محمد الشمري وابدع فيها
بوصف شيوخ قبيلة عنزه
الشـــــيــخـــة الـــوايــلــيـــه
لنا الشرف يالعزوة الوايلية
دعواتكم لظيوفكم والاصاحيب
سلام ياشيوخ عزومه قوية
شجرة وفاء ينلاذبه عن اللواهيب
منكم مصوت بالعشاء للردية
ياقيل بن مهيد هو منقع الطيب
ومنكم ابن هذال حماة الرعية
وليا انتخوا ببتلا ذعارالاجانيب
والشيخ ابن ملحم بدوره دهية
بدور الملاقي ماظي له تجاريب
ومنكم أخو نمشة عقابان حيه
لولااب بحدوده يقص الواليب
وليا تعلا فوق بنت العبيه
الخيل عن وجهه تقفي هواريب
والمرتعد حسن جنب مع خويه
جنب معك ياحجاب ستر الرعابيب
من فوق خيل ما شتروهن شريه
خيل الصحابة ما اعترظهن ضواريب
وبدرالعواجي سور للجعفريه
ياكلشت الاشناب فك النواشيب
وان قلت يالشعلان هل العليه
خيالة المركب بدور المراكيب
وليا انتخوابالفاطر العوهلية
تلاوحوا من فوق قب مغاضيب
والمرتعد صياح ذيب الجويه
عقيد عيرات النضا بالمطاليب
والمرتعد سلطان سيف يمنيه
ملكادهم يشبع بها شايب الشيب
عيادةعقيد ويا اعتزى نويبغية
لذود المعادي بالمغازي كواسيب
والربضا راع البويظا البهيه
يفكها يا صار به نخي ومجيب
وساجر يفك الجاذيه والمطيه
ياحل عند قطيهن ضرب ومصيب
وعايش زعيم ولابته دهمشيه
وابوه ابن روسان عطب المظاريب
والذايدي راع الجواد الجريه
دليلهن ياروحن بالتصاليب
وبرجس ابن مجلاد مروي شفيه
سمي غدير الموت مرالمشاريب
وابن سمير الي لاقيل هيه
هوها لقوم بالملاقى غواليب
وكنعان الطيار زبن الـــونيه
مزبان من قضبه عليه المقاظيب
ون قلت باليديان وجيه رظيه
أخوان بقشة بالسنين المحاديب
وابن الفقير بنخوت القشمريه
يثني ورى المقفين بوجه الغواصيب
وراكان ابن مرشد علومه مديه
حرا ويدلي في قوي المخاليب
ورمضان الجلاوي متعب الهجهجيه
عقب الجلاوي صابها زود تكريب
وان قلت ابن جندل راع المعنقيه
حوافره مثل القنابل معاطيب
ودهام ابن قعيشيش للضد سيه
بايام صعبات السنين المصاعيب
وان قلت يابن غبين جزل العطيه
غــبيــنيــة عطــية مابــهــا ريب
ومطلق ابن رشدان طوال يديه
أخو هيا خيال حرش العراقيب
وصياح قالو يااعتزى مريحميه
ابن نفج بعداه يلقى المــصــاريب
وقليل وظفيدع لــهم قــابلــيه
ياثارة الهيجه غدوله حواظيب
وعوض الفريسه ابسهلتن جرهديه
حمايهن لا حولو بلمشاعيب
وابن سويلم لابته غضــوريه
يوم الملاقى كسبهم شمخ النيب
وابن ظويهر ناقــد الشـــاذليه
راع الدلال المكرمات المرابيب
وفريح ابن حمرور ينثر دميه
ياستجنبو بالكون خور العياديب
ومنكم طويل الرمح حبس منعيه
وضبيب مدباس الجموع الحواريب
جهبل ابو زهره زعيم الخمشيه
وساكر ياعدو هل الطيب للطيب
وابا الخساير لابته بــجـــيديه
ومنهم ابن شامان زين التراحيب
وشيلة شياه الجار ماهي شويه
نخى هل العشوى ولبو لبن ذيب
وسعود ابن جلعود راع الوديه
ياقف ويحيي بالضيوف المتاعيب
وصياح قالـــو لابتــه خمعــلــيه
يشهد لــهــم بردا حنينه هباهيب
وابن مجيد ولابته عبدليه
ومحدى وابن ظلعان والدسم وهديب
وشهاب قايد لابتن قعيقعيه
نزالة الخرم المطرف لياهيب
وعلم ابن دغمي قيل ماهو خفيه
يوردك ياظاقت عليك المشاريب
وابن الدريعي وفارس المرعظيه
وشيخ النصير الياندبوله مناديب
وقالو زعيم السربة الكويكبيه
والعسكري عمعوم ذيب المراقيب
وقيل الضريغط لابته ولد عيه
مقظاة لحقوق النشاما بترتيب
ومقحم موصي بجار للوايلية
للجار تخفون الاذيه بترحيب
الجار لابده مقفي نويه
وكلن ابجيرانه يعد المغاريب
عديت موجز من شيوخ السمية
والمعذره يا مدلهين الاقاريب
جينا لمثل هداج تزمي دليه
فهد عسى ربي يفكه من العيب
الطوب الطوب ياركب الرشا للحميه
تجــيه من كــل المــناطق مناديـب
بيته لعصمان الشوارب حضيه
يعانقك بالترحاب وايضا التعاجيب
انتم هل المعروف واهل فضية
وانتم كنوز للمراجل دوالييب
من ديرتي جبه سلام وتحيه
سلام للزوار هم والمعازيب
الشاعر/ محمد بن ضرباح الرمالي الشمري
قصيدة اخرى :
الشاعـر بشر بن غازي الشمري فقد تعرض لظروف في حياته ولجأ
إلى الشيخ مقحم بن مهيد مصّوت بالعشا شيخ الفدعان من عنزة وشكاله
ظروفه بقصيدة طويله منها هذه الأبيات يقول :
أبـدي بـــقـيـل بـيـّن لـلـفـهـيـمـيــن
مـا بـه غـلـط كـلـه بـدرب العـدالـه
من بشر بن غازي جوابه غدا زين
نزه الشوارب عن دروب الرزالـه
يا مقحـم ابن مهيـد جينـاك عـانـيـن
نـبي العـلـوم الطـيـبـه والجـمـالـه
جيناك يا أبن مهيد بالعمـر ناصيـن
زبـن المجـنـا الـلي تـزبـن بـحـالـه
من عـقبكـم مـالي صديـق يحـاكيـن
أنشد غـريـب الـدار وشي حـوالـه
يا شوق غـرو من بنـات الشعاليـن
وامحصنه راعي الهـوا مـا حكالـه
بنـت الـذي يحمي عـقـاب المقفيـن
بـنـت الـشـيـوخ معـربـيـن خـوالـه
الـزول مطرق حور عوده بها لين
يا حـظ من هي يا أخو قطنه حلالـه
الله عطاها الحسن يا شيخ والزين
عـز الـلـه أنـه تستـوي لـك خيـالـه
مقحم دخيل الـلـه يعوذه من العيـن
يـعـلـهـا مـن راس مـال عــيــالـــه
فـي جـاه رسـل عـنـد ربـه حبيبيـن
عـسـاه دوم بـعــز والـخـيـر فـالــه
ويـا نـاشـدٍ عـنـا تـرانـا قـحـاطـيـن
وصلب العـرب مـنـا نـعـده غـيـالـه
من صلب لابـه ما تطيع المشيرين
رجـالـهـم يـجــزم لــو أنـه لـحـالـه
عنيت لك يا شيخ من لوعت البيـن
والـلي يشوف الضيم يتـرك عيالـه
أنـا الـيـامـنـي تـبـيـّن لـي الـشـيـن
والسيف داثـر مـا تجي في ضلالـه
أنـا سـلايـل مـبـعـديـن الـمكـامـيـن
وإلـى جـفـتـنـا الـدار نـلـقـا بـدالــه
حناعلى الناموس والصدق قاسين
نصبر إلـى ركـب الـرشـا بالمحالـه
دايم على المعروف والخير مهدين
واللي ما يهدي خيـر يوخـذ حلالـه
آخر تعديل الادهم ابن وايل النجدي يوم 13-Sep-2011 في 11:28 PM.