[الصمصام]

السلام عليكم ورحمه الله وبركاته

مساكم الله بالخير يابناء عمومتي

اضع هذه المتواضعه القديمه بين ايديكم


متمنى ان تنال القليل القليل من استحسانكم






[poet font="Simplified Arabic,4,black,normal,normal" bkcolor="transparent" bkimage="backgrounds/1.gif" border="none,4,gray" type=0 line=200% align=center use=ex length=0 char="" num="0,black" filter=""]
امس الضحى عديت في راس مرجوم=ودي بمد الشوف عقب الفضاء ضاق
رجمٍ طويلٍ للقرانيس ابه حوم=ماقد رقا له قبل ساقي ولا ساق
جيته بقلبٍ بالغرابيل ملطوم=وهمومه اللي لاظلم الليل تنساق
جيته عقب جفني تعذر عن النوم=سبة طيوفٍ جددت فيه الاشواق
طيفٍ لفا يشره على القلب ويلوم=واحيا جروحٍ كفنت وسط الاعماق
ياطيف كف اللوم مانيب مليوم =ولاني على بعدك محبٍ ومشتاق
لاشك تردعني تقاليد وسلوم=لا واللذي غير التقاليد ماعاق
لو الحمى دونك ودون الحمى قوم=جيتك وانا لمقابل القوم سباق
لعيونك اللي تودع العقل منجوم=نواعسٍ خرسٍ تقول ابهن ارهاق
ودام الرجاء ياقايد الريم معدوم=وشوفي لزولك دونه اليوم عواق
عندي وكنك من ورى دوله الروم=وعيت توافيقي تلايم لك اوفاق
اليوم كلن بالتواديع ملزوم=دام الدهر ماجاء على شف الاذواق
واتلا كلامي لك تحيات مغروم=وتوديعتن مابين عاشق وعشاق
[/poet]

سامحوني على القصور ياعتيبه

تقبلو تحياتي

الصمصــــــــــام