اخوي ابو فايح يعطيك العافيه على مجهوداتك الرائعه وانا ابي محاورتين جرت بين الشاعرين الكبيرين
مستور العصمي وحبيب العازمي ثم ملفي المورقي ومستورالعصيمي
واعتقد انها كانت في قصرالمسرات
بداها حبيب العازمي بالموال التالي: واعلن فيها التحدي . وكانت بالفعل محاورة قويه جدآ جدآ
حبيب العازمي:
سلام يالعراف والدرب ينشاف
واللي يطب البيت يسعى ويطاف
الصرف محدٍ يصرفه غير صراف
والله ليامنه كتب شيْ مضاه
الليل طيب وتاليه ابتدى *** والملعبه فاخره تبغالها
قم يالعصيمي لاتكوع على جنب
كنك مدير الكنب في داخل الكنب
تراك مانت ابربنا غافر الذنب
والله ليامنه كتب شئ مضاه
شفت العصيمي تحادى واحتدى *** وانشاف بعض الجال اومالها
ورد عليه مستورالعصيمي بقوله:
يامرحبا ترحيبة تشرح البال
عد البروق وعد ماهل همال
ترا الحمول اثقال وعلومك اطوال
والله ليامنه كتب حال مضاه
الله يحدك على درب الردى*** مار اركب الخيل ياخيالها
ياحبيب الليله طرالك طواري
لكن ولع نارها يالنياري
وان ولعت ماجالها عم غاري
والله ليامنه كتب حال مضاه
انا من اللي يعرفون القدى*** العزوة اللي يظل اظلالها.
اما محاورة ملفي مع مستور كانت البدايه من ملفي المورقي بموال يقول فيه:
ملفي
قوم يامستورعلمنا واخذ فالملعبه رد العلوم
انت اشوفك من صلاة العصر يامستورفي جوك غيوم
مار طعنا بالسوالف لاتجينا من مرابيع النجوم
ماعلى الدنيا كبير ولا صغير مستريح
الليله الليل يابرقا وياروق **** نبا نسولف سوالفنا القديمه
ثم رد مستور بقوله:
السوالف للرجال اللي يعرفون الصوادر والورود
وانبدأ لازم تعزوينا ياملفي بالخوال وبالجدود
العصيمي واقفٍ للقوم يكسر عود في عين الحسود
والله الوالي ولا غيرالله الوالي ولي
انا بسولف معك والعلم ملحوق *** لو كان مانته بخير ولاغنيمه.
هذا ماتذكرته منها.
اتمنى منك ومن اعضائنا فالهيلا تلبية طلبي هذا ولكم منى جزيل الشكر والتقدير.
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|