[راع الصمان]

اخوي العزيز ابو صالح

قريت موضوع سطام ولو مشينا على هالموال بقولك اقرا بعد مواضيع تختلف مع سطا بغير هالموقع وبرسل لك روابط على الخاص لو تباها لكن وش الفايدة انا مابي اقعد حنا انتصرنا وهزمنا فلان والا علان انا ابي ابحث في التاريخ والانساب تحت قاعدة الاسلام التي حث على هذا الامر في نطاق محدود ولو نبي نعد الانتصارات والهزايم وش طلعنا به كلن يقول حنا اخير !! .

ثانيا انا ما عنيت عتيبة يوم قلت فيه قبايل دخل فيهم من ليس منهم بل والله يشهد علي اني ارى عتيبة هي وريثة هوازن بالفعل بالفعل وانا ماقول هالكلام الا للامانة والتاريخ واتجرد عن العواطف . انا كنت اقصد قبايل ثانية ناس يشيلون اسمهم وهم ماهوب منهم سكنوا معهم وصاروا منهم بالاسم .

ثالثا انت تعرف عدد مطير بالكويت وايضا في قطر مطير كثيرة ودخلت في احلاف مع الغير وتحمل اسم الحلف .

العراق كذلك

بالنسبة للحاضرة فحاضرة عتيبة تتمركز في الزلفي من الاساعدة وفي بقعاء وفي بريدة وعنيزة عدة اسر ليست كثير ولو تتبعت اقدم تاريخ لهم لا يتعدى 300 سنة على ابعد تقدير حين نزلوا الاساعدة الزلفي وحصل بينهم ما حصل مع آل حديثة من بني تميم اهل الزلفي القديميين
وانا مانيب اقدر من اكثر حاضرة عتيبة او مطير لكن الحق حق مطير فيها حاضرة ما يستهان بها وفي عدة بديار ماهوب ديرة وحده في القصيم فيه وسدير فيها والخرج فيه اما حاضرة مطير في الكويت فهم كثيرين جدا وادحر بليس يابن الاجواد واعترف بالحق ترانا اخوان لو خذنا حاضرة الجبلان لحالهم كفى .
وانت تدري اكثر الحاضرة في نجد لاهم مطير ولا عتيبة انما بني تميم يشكلون اكبر نسبة حاضرة في نجد من الجوف شمالا الى الافلاج جنوبا وفي الاحساء عشاير منهم ما يعدهم ولا يحصيهم الا خالقهم .

لكن ياليتك ياوب صالح ما تتحمس في المقارنة بين مطير وعتيبة في العدد لان ماعندنا مصادر موثوقة الهاتف انا ما استدل به ولا يقبل به العقل وفي الاخير ومليون نعم في عتيبة الهيـــــــــــــــــــــــــــــــــــلا وعددهم وعدتهم

آخر تعديل راع الصمان يوم 17-Oct-2008 في 10:24 PM.