[سدير]

المشاركة الأصلية كتبت بواسطة صاهود

ونعم فالدواسر لكن ماشفت شي تتميز فيه الدواسر عن غيرها

1-وسم العصا كل القبايل تاسمها للجار والسارح والجارح

2سعة الاراضي عندك مطير من الحره للمجره وعندك عتيبه من العارض للحره وعندك المره من حرة الهفوف لاخر حدود الربع الخالي

3- الحاضر ه والباديه عندك هذيل وسليم وعتيبه بلحارث وبني سفيان وحرب كل هاذي القبايل توجد فيها حاضره وباديه

ويكفيك الاساعده من عتيبه يكتبون ويقرون من 400 عام

4-اما وادي الدواسر لايسكنه غيرهم فهذا غير صحيح بني تميم تسكن الوادي وقبيلة جميله التغلبيه تسكن الوادي وارجع لشعار الدواسر انفسهم القداما
وليس كما تفضلت سكنوا علي دور الحكم السعودي وعندك ال فهاد من يسكنونها منذ القدم وعندك السلوم من يسكنونها منذ القدم

وارجع لحروبهم مع الدواسر لتتأكد

الدواسر لهم ليلي والافلاج وميرادهم عليها

5-عدم بيعهم الماء واللحم هذا اول مره اسمع فيها الدارج بين الناي البدوي مايبيع لا لحم ولافحم هذا اللي نسمعه من الشيبان

6-عدم بناء الاسوار العاليه توجد اسوار عاليه للدواسر في حوطة بني تميم فالوادي وليلي والافلاج لها اكثر 300 عام

واغلب القبايل ماعندها اسوار وكلهم اخّلي فيه هالبران والصحاري وقطعانهم تسرح بدون اسوار

ماني شايف شي جديد قبيلة الدواسر قبيله عربيه شريفة النسب والحسب حالها حال القبايل العربيه

الموجوده في شبه الجزيره العربيه

تحيتي

مشكور على المشاركة أخي الكريم
1- وسم العصى معروف للدواسر والقبايل في غناة عن إدعاء مالغيرها والكل عنده خير ورصيد من الطيب والسلوم الجيده وعندك الشعار من عتيبه وقحطان والعجمان ويام شهدوا به للدواسر ولم يشهدوا به ولم يذكر لغيرهم هذا غير شعار الدواسر من قديم وحاضر

2-ارجع أخي الكريم لخارطة المملكة وشف حدود بادية وحاضرة الدواسر من عروق خرب للخرج وانظر لمدن وقرى حاضرتهم من الرياض للقصيم مروراً بالمحمل وسدير مئات المدن والقرى وتعرف صحة كلامي وان مافيه قبيلة تمتلك نصف مساحة أراضيهم

3- الحاضره والباديه
أغلب القبائل إما أن يكون القسم الأكبر منهم بادية فتغلب عليهم البداوة وإما أن يكون القسم الأكبر منهم حاضرة فيغلب عليهم التحضر
ولكن الدواسر
باديتهم عظيمة
وحاظرتهم عظيمة
ليس المقصود أخي الكريم أنه لا يوجد في غير الدواسر حاضرة
ولكن لا يقارن بحاضرة الدواسر إلا حاضرة بني تميم ولكن بنو تميم تحضروا بالكامل
أما الدواسر فباديتهم كبيرة
وحاضرتهم عظيمه
مئات المدن والقرى في
وادي الدواسر
والسلسل
والأفلاج
وليلى
وتمره
والهدار
ومئات الهجر
والمراكز
ومئات المدن والقرى في
الخرج
والرياض
والشعيب
والمحمل
وسدير
والقصيم
والمنطقة الشرقية
غير باديتهم العظيمة
ومراعيهم من الربع الخالي للوسيع
ومن حدود نجران إلى بريدة والشماسية في القصيم مروراً بالمحمل والشعيب وسدير
ثادق ودقله والقرينه والصفرات وعودة سدير والبير وروضة سدير وجلاجل والمجمعة وحرمة والشماسية وبريده وغيرها
هذا هو المقصود أخي الكريم
ولا تهون باقي القبايل
الكل فيه خير وبركه
وكلاً ماخذ حقه من الطيب ولا ننقص من حق أحد

4- وادي الدواسر لا يسكنه غيرهم سوى 3 قرى لبني تميم وقريه للقبابنه وهم حلف مع الدواسر

5- عدم بيعهم اللحم المقصود به عدم السماح لأحد ببيعه في ديارهم قديماً نظراً لكرمهم وإلا فمن المعروف أن جميع أصيل مايبيع اللحم لا حضري ولا بدوي

6- عدم بناء أسوار على مزارعهم هذي معروفه في القديم وترى المقصود النخيل حيث أن الدواسر وخلاف معضم القبائل يملكون الغرس والمزارع والنخيل ويمتلكون كذلك أطيب انواع الإبل والخيل وحامين غروسهم بخيولهم وأسوارها حدود سيوفهم وحدودها أطراف رماحهم

تسلم ومشكور
تقبل تحياتي

آخر تعديل سدير يوم 27-Jan-2010 في 01:47 AM.