اخواني الافاضل اعضاء وزوار منتدى الهيلا عتيبه الكرام.مرثيه في المرحوم باذن الله الشيخ الداعيه المعرف
عبدالله الغضيه رحمه الله وجزاه الله عناخيرالجزاءواعاضنا فيه بخير .ودمتم بخيرولارآكم الله مكروها
آمين
مرحوم ياشايبن سقت القدم يمه=لان وقفة عند بابه ودرجة بيته
واوحيت عجل النبا الي خمني خمه=منه القدم راج مع دربه ورديته
والطيب يسبق نسيم الشام من يمه=والقلب ياخذ ويستلحق تناهيته
على ابيض الوجه والخفاق والعمه=الشايب الي عليه الدمع هليته
لاهان راسك تراء المدفون جمجمه=ولاهان راسن بقى شامخ على صيته
طيفك يهلي بضيفك عالي الهمه=ياسيدي يوم لآقاني ولاقيته
من فوق شم القمم ياشامخ القمه=بدر الدجاء في سماه مولعن ليته
بيت الغضيه فقد راس وفقيد امه=ينقص عددها برمتها مهب بيته
شيخن حميد السجايا فيه ملتمه=ماشفت مثله ولا عمري تحليته
فيه الورع والتقى والصدق والذمه=صادق وذمي وامين لياء استذميته
شيخن يضد الخصيم لياء عصب كمه=ل الظالم الي شياطينه معديته
(فيصل مطر)
| التوقيع |
صاحبي عوده ليان أليا ثنيته=مودمين كنه الداب يتلوى
مودمين طول عمري ما لقيته=مالقيته في عيال آدم وحوى
والجديل الي عليه الياء رميته=قام يسترسل طويله ويتطوى
(فيصل مطر) |