[محمد الذيابـــي]

لاتسل السيف ياراع الأذاعه لاتسله = عزتي للي يبا منك المعزه عزتي له
تدعي بالدين والدين يتبرا منك كله = كذب مع بهتان مع تضليل لعقول عليله
اله عقدين مضت لكن بالله وش حصله = ماحصل جدوى لتفكيره ولابيديه حيله
يالفقيه أمسيت للأرهاب دوله مستقله = تحسب أنك من قناتك واصلن للمستحيله
التعب ماله خلف غير التعاسه والمذله = والندم لابد مايندم ويضحك به عميله
ياعدو الله من يدعمك غير اللي عدا الله = خاينٍ ربه وله زمره تباه وتنتمي له
أنكروهم بالجريده وانكروهم بالمجله = زمرة التفجير والتخريب في نارٍ مليله
شوهو سمعة بلدهم عقب عاشو تحت ظله = يوم كبرو باعو ترابه ردى باهون وسيله
قل لمن يسعى لتخريب الوطن والدين قله = حربنا ضدك يابو وجهين نجعلها طويله
ياشباب الدار عزو داركم من كل عله = الوطن له فضل ماينسى ولايمكن نزيله
ديننا دين الرسول ونعرفه دقه وجله = ليه مانمشي على نهجه ونمشي مع دليله
وأرضنا أرض القبله اللي كل شخص موجه له = قبلةٍ للمسلمين بكل يوم وكل ليله
أسمعوني يا رجال الصاعقه وأهل المضله = واسمعوني ياهل التعليم واصحاب الفضيله
وأسمعيني يالصحافه لايجي فالعلم خله = واسمعوني يادعاة الدين وشيوخ القبيله
أزرعو فينا الوفا للدار واللي حامي له = سيدي عبدالله اللي كل حملٍ يرتكي له
أبومتعب كل صعب طوعه ويجيب حله = لايهمونك دعاة الكفر واهداف الفشيله
خدمته للدين وأيضا للفقارى تنحسب له = والأمن والنهضه الكبرى تري ماهي قليلة

التوقيع

التوقيع محمد الذيابـــي