[عيضه العيسي]

احد قصائد والدي االشاعر: مستور بن دخيل الله العيسي الثبيتي
الله يطول بعمره مهداه لقبيلة عتيبه كافه .
واهداء خاص مني للشاعر
القدير ابو فهد
النشمي
تلبيه لطلبه ويستاهل الكثير ..

البارحه قلبي ضرب له نحيه=يم ارض قفرى والمنازل خليه
.=.
عيئ يطاوعني ظهر من يديه=والله ليامنه نوا حال سواه
.=.
=والايام فيهاكل مرِ وحالي
.=.
سهرت عيوني منه ماذاقة النوم=والهم يصلئ القلب يومِ بعد يوم
.=.
ونفسي جزت يالربع عن كل مطعوم=ومايكتبه ربي على العبد يرضاه
.=.
=وانا احمدك ياربي على كل حالي
.=.
كتبت من زين المعاني وغنيت= من طيب ها جس والحق البيت بالبيت
.=.
واليا لفاني ضيف ماعنه صديت=والدرب واضح والعسر ماتلقاه
.=.
=ولافادني مال العرب غير مالي
.=.
مثايل ِ من هيض بالي جدادي=هي مطلبي والله وغايت مرادي
.=.
ماهي علوم تضيع في كل وادي=ومنهو تحداني فنا بتحداه
.=.
=وكلن على ماقيل ياخذ مجالي
.=.
سر يانديبي ثم ودالعلومي =لاهل الجميل امكملين اللزومي
.=.
ربعي في الشدات ماهم رخومي=الكل منهم فالمواجيب تلقاه
.=.
=اهم مكسبي ربعي وهم راس مالي
.=.
ولن كان جار الدهر والوقت جارا=ماهقوتي ينسون ذيك الديارا
.=.
لوانها راحت عليهم دمارا=الي كره منزالها ماجبرناه
.=.
=وكلن على كيفه يشد الرحالي
.=.
اخذو كلام الصدق من راس شايب=شايب من الايام شاف العجايب
.=.
ولاني على المخطي مسوي ضرايب=ولاعندنا في كل غلطه مجازاه
.=.
=ويمنئ الرجل ماهي سوات الشمالي
.=.
قدنا المثايل ثم اخذنا الجزيله=الي يتسلي كل نفسِ عليله
.=.
تدرج على بالي سوات المخليله=وراع المنى ماينفعه كثرت مناه
.=.
=ومالي ومال الي ضرب فج خالي
.=.
نبي نسايرها عل ماتجيبي=والعمر فاني وافرج الله قريبي
.=.
والكل فالدنيا سوات الغريبي=طال العمر وإلا قصر ياخذ اسراه
.=.
=ولا باقي إلاالله عزيزالجلالي
.=.
واختا مها يالله عليك اعتمادي=تهدي على خيرك جميع العبادي
.=.
وتجلى القلوب الي غشاها السوادي=وتغفر ذنوبِ حملها ماقويناه
.=.
=وثبت لساني عند وقت السؤالي

مع تحيات اخوكم :عيضه العيسي
وترقبو الجديد ،
ودمتم،

آخر تعديل عيضه العيسي يوم 29-Dec-2009 في 03:48 PM.