[سلطان البقمي]

المشاركة الأصلية كتبت بواسطة بجاد ابوديه

إليكم هذه القصيده , التي خطيُتها لـ وطنّا


-

حنا عرب فينـا كمـال العروبـه=من وقت ابونا ادم الى اليوم حنا
ماعندنا في عز الانفس صعوبـه=ومن سنة المبعوث فينـا نهلنـا
وكتاب ربي حافظينـن وجوبـه=و بموجبه دستورنا فـي وطنـا
أن دارنا هبـت علينـا هبوبـه=هبت علينـا خيـر منـا ومتـا
متعوديـن ولابعـد منـه نوبـه=شفنا القصور ولالك الله زعلنـا
نجهل على الجاهل ليخطاء دروبه=ونعلمه من علمنـا وان جهلنـا
قلنا ترى شين الدروب محجوبـه=يعنـي دروب ماتحقـق لاملنـا
لولاك يابعض الرقوم محسوبـه=مكان في بعض المواقـف كملنـا
ولولاك يابعض الحروف مغصوبه=مكـان هـذا حالنـا فـي زمنـا
حالن عموم الناس فيه اهتنوبـه=حالن قرار ومنـه طبنـا وأمنّـا
قدامـنـا جـدانـا رحـبـوبـه=قالوا هلا بالعـدل عـدل شملنـا
مانتبع الضايع ونعطـي دروبـه=نتبـع لحكـام الجزيـره واهلنـا
كنا نطالـع للسحـاب ونصوبـه=ويمـه تعلانـا وعنـده نزلـنـا
مهما نخوض من الحرايب حروبه=ارواحنـا تفـدى مكانـن سكنـا
كب اللذي فالقاع قامـت تجوبـه=وتضرب على طبل الخراب وتمنّا
اشجعهم اللي راح يُومي بثوبـه=يقدم صفـوف الهيجنـه ويتثنـا
واعقلهم اللي فالبـلاد العبوبـه=ناس عسى منهـا المنايـا تدنـا
مافيك يابعض الحضاره عجوبـه=وش غيرت في شامنا مع يمنـا
اوطان راحت من سببها شبوبـه=ناراً عسى الله من شررها يمنـا
يضرب شماله بالقنابـل جنوبـه=والشرق فيها صاح والغرب غنا
شـرا كبيـر والعبـاد بلشوبـه=احاط بوطـان العـرب وامتحنـا
حكامنـا قدامنـا قـد دروبــه=ومنه حفظونا لايزعـزع لامنّـا
في دولة وسط القلوب محبوبـه=ومن عدلها كل(ن) تقول يحسدنا
وبالخير في كل الليالـي رحوبـه=يامـا يداهـا بالجمايـل عطنـا
ومن غيرها في كل عين مهيوبه=عـز وكرامـه وارتفـاع يبنـا
دولة هل العوجا ملوك العروبـه=تكرم كرامه عن حنيـن ويحنـا

الشاعر / بجآد ابوديه - العتيبي

مافيك يابعض الحضاره عجوبـه
وش غيرت في شامنا مـع يمنـا
اوطان راحت من سببها شبوبـه
ناراً عسى الله من شررها يمنـا
يضرب شماله بالقنابـل جنوبـه
والشرق فيها صاح والغرب غنـا
شـرا كبيـر والعبـاد بلشوبـه
احاط بوطـان العـرب وامتحنـا


اخي بجاد انا تكفيني هالبيوت هي اساس وصدقت بقولك(مافيك يابعض الحضاره عجوبه) هذه البيوت هي روح القصيده




ماشالله عليك تبارك الله اضنك في اول مشوارك الشعري الله يوفقك الحقيقه ماقدر اعبر اكثر بس اعذرني على القصور









الله يوفقك ولك مني اجمل التحايا