قصيدة عبدالعزيز السريع لا عاد ترجيني

[عبدالعزيز السريع]

*·~-.¸¸,.-~*«®°·.¸.•°°·.¸¸.•°°·.¸.•°®»

(لا عاد ترجيني)

واثق وتحسب مقدر بيوم اجافيك .. لا والله الا حان وقت التجافـــــــي
من بعد مـا قلبي يعـزك ويغليـك .. خلاص يا الخاين توقف وكافــــــي
اليــــــوم ناويـلك ابقفي ووريك .. بتركك تمشي فوق الاشواك حافــي
ولا ذقت مــر اللي تذوقه محبيك .. ودموع عينك بيحت كل خافـــي
لا ترتجي منـــي اجـيلك وراضـيك .. خلاص قلبي جاله اليوم شافــــي
اول اجـيلك ونـتـخـي بك واحاتيك .. من زود حبٍ بالحشى حيل صافي
واليوم واللـــه لو تطول حـــراويك .. ما تشوف مني غير سمٍ زعافـي
علمتني بسلـوبك وكسب اياديك .. اشلون اقسى على الغلا بحترافـــي
وعــدتني تحفظ مــحبك وغــاليك .. واخلفت وعدك واحتقرت اعترافــي
اعـطيت وعـزيت حضـرت معاليك .. وصارت ضلوعي لك سياج ومرافـي
واليوم ذقت الغدر بسهم اياديـك .. واصبحت لك بعد المواصيل جافــي
لا عـاد تـرجيني ولا عــاد برجـيك .. هذا حصاد يديك جعله عوافــــــي

«®°·.¸.•°°·.¸¸.•°°·.¸.•°®»*·~-.¸¸,.-~*

آخر تعديل عبدالعزيز السريع يوم 26-Mar-2012 في 06:00 AM.