ربعي المهاثله قصيده لـ الشاعر عوض خصيوي ابو زنود الحافي ـ قبيلة الحفاه

[ابن بليهد]

بسم الله الرحمن الرحيم

قبيلة الحفاه من عتيبه

قصيده لـ الشاعر عوض بن خصيوي ابو زنود المهيثلي الحافي

في ربعه المهاثله



خل الهواء يردع نحور المخاييل
ويركم على وسق المخيله مخيله

هذي هي افكاري وابدع التماثيل
ومن لا احتمى في ماقفه عزتيله

امعقب الفنجال بين الرياجيل
اللي ليا منه وقف برد حيله

ادجر ليا مني وقفت ابدع القيل
واختار من جزل المعاني جزيله

واقف وامثل لابتي واوفي الكيل
واقول ربعي كاسبين الجميله

ربعي هل الطولات من سالف الجيل
وعندي على كل المواقف دليله

والحق يضهر وازهقن الاباطيل
واقفا المغل مقنع(ن بالفشيله

ربعي ليا نادوا هل البل هل الخيل
وربعي ليا بار العميل بعميله

بالشلف ولا بالقنا والمصاقيل
وبثنية الركبه ومد الطويله

وان طوحت بالبخنق ام الخلاخيل
تنخا مروية السيوف الصقيله

ربعي مقادم الرصاص المهاليل
وربعي من احماة الجمل فالدبيله

وربعي هل العادات والحط والشيل
وكم ابلج(ن وسط المعارة نشيله

ربعي هل الترحيب والبن والهيل
واهل الكرم يوم اليماني بخيله

اهل الثناء واهل البيوت المداهيل
ريف القصير ومحتمين الدخيله

من دون قاصر في جميع المشاكيل
من شلوة الكفار نعم القبيله

يا الادحافي كاسبين التنافيل
والقول يكفي عن كثيره قليله

من فية الجميزه اولى المنازيل
لاخر منزلنا بنجد الجليله

وثار اهلنا باقيه والافاعيل
امجاد تاريخ قليل(ن مثيله

ولطامة العايل وذباحة الحيل
عتيبه الهيلا جموع(ن مهيله

يشهد لنا نجد العذي بالمحاويل
بالسيف اخذناها وقدح الفتيله

ويومنها بين القبايل بهاذيل
يشهد لنا كل اجنبي(ن تسيله

وقد وثق التاريخ كل التفاصيل
معارك التوحيد ياهل الفضيله

ولعتيبه اصل(ن في هوازن وتوصيل
حنا بني سعد بن بكر الاصيله

عليا هوازن والرمات النواجيل
واهل الفصاحه والدلايل كفيله

ظر الرسول المصطفى يالحلاحيل
واربع سنين عاش يومه وليله

صلو عليه اعداد ما عسعس الليل
وصلو عليه اعداد ماسال سيله

وحنا هوازن من قبل حادث الفيل
طولات فخر مثلها مستحيله

والمصحف الطاهر لنا فيه تاويل
ياقاري القران ويش احكي له

وحنا العرب حنا سلايل اسماعيل
اصلي وانا اعرفه سليله سليله

وختام هذا القول كتر التهاليل
واقول ربعي كاسبين الجميله

منقول

آخر تعديل ابن بليهد يوم 22-Apr-2017 في 05:54 PM.

[الكرمان]

وربعي من احماة الجمل فالدبيله

قصيده جزله من شاعر جزل

صح لسان الباحث والمؤالف الشاعر عوض ابن بتال الحافي

[الكرمان]

ولعتيبه اصل(ن في هوازن وتوصيل
حنا بني سعد بن بكر الاصيله

عليا هوازن والرمات النواجيل
واهل الفصاحه والدلايل كفيله

ظر الرسول المصطفى يالحلاحيل
واربع سنين عاش يومه وليله

صلو عليه اعداد ما عسعس الليل
وصلو عليه اعداد ماسال سيله

وحنا هوازن من قبل حادث الفيل
طولات فخر مثلها مستحيله

والمصحف الطاهر لنا فيه تاويل
ياقاري القران ويش احكي له

وحنا العرب حنا سلايل اسماعيل
اصلي وانا اعرفه سليله سليله

وختام هذا القول كتر التهاليل
واقول ربعي كاسبين الجميله

[ابن بليهد]

صح بدنك يالغالي مرورك مشرف