ديوان الشاعر طلال بن نشار

[طلال بن هذال بن نشار]

أن قصرت يمناي عن كل مدلـول = عقبني الفنجال فـي وسـط لابـه
وأماخذيت الطيب فردي ومدبـول = ماني طلال وفزعتي مـن عتابـه
وليا عسرني فعل تكفينـي أفعـول = ماني مصوت للردي ويـش ابابـه
أنا وسيع ابطان وحبالـى اطـول = مالى ورا الانـذال عـز ومهابـه
يلحقني الشرهات ناقص ومبـدول = وصدرت عن عد تغثرب شرابـه
يعيش به حاسد وحاقـد ومسلـول = ولياقلت وين العاقلـه قيـل مابـه
شفي أجر الصوت في مرتع الشول = مع فنتـق مافيـه غيـر الذيابـه
ومعي مسرول للمقانيص محمـول = طرح الشبك فـزاع محـد هقابـه
يفرح ليا منه لمح بالسمـا جـول = ويشهر قبل للخرب يفقـد صوابـه
لادجت به يزيل عن صدري حمول = وطرد الولع في شرعنا مرحبابـه
ونجلس بعرقوبن على حد غرمول = بعد المطر جهـا يغـازل سحابـه
هاذي طراة الروح والقايل يقـول = ورزقي على اللى كلنا عنـد بابـه

[طلال بن هذال بن نشار]

ياضيقتن باقصى ظلوعـى علـى ويـش = ازريت انا حيهـا وانـا الفكـر منـداش
تجتاحنى وتسكن بـى شويـش بشويـش = وبمـر العظيـم يحلهـا دايـم كــاش
ولابد ماتـرث علـى الفكـر تشويـش = كن الهموم اجيوش وضلوعـى انعـاش
وهـم يلطـش ثومـه القلـب تلطيـش = لاجاك مـن بعـض الاقـارب تلطـاش
ماغيـر اسلـى خاطـرى بالمطاريـش = لـون مالـى حاجتـن رحـت طـراش
وقت ن تسلطن فيـه حتـى الخفافيـش = شوفوا مجالسهم غدت طـاش ماطـاش
وبعض العرب همه يبى لقمـه العيـش = لوهو على انـذال المخاليـق معتـاش ؟
وبعـض البشـر روس بليـا عراميـش = وبعض العرب حتى ايش لو عندة اعراش
وقتك هذا حتى ايش لوصار حتى ايـش = كــل ملكـلـه بندقـيـه ورشــاش
ولولاى اطنش بعض الاشكـال تطنيـش = واخاف من كلمه بهـا يضحـك الـلاش
لاغدى كما بـن ن بمحمـاس درويـش = يـوم استـوا جـوة المناعيـر هيـاش
يالله يامنشـى الـمـزون المراهـيـش = قلـت مواردنـا ومطايانـا اعـطـاش
قل للجمال اللـى تـرازم علـى ويـش = وكثر الجيوش اللى تدرب على مااااش

؟

[طلال بن هذال بن نشار]

اسطول الحريه سفن حملت بالدواء والطعام للشعب الاسير لاأخوان لنا يعيشون تحت الحصار ذل قهر أستضعاف

شعب باكملة يباد ويحاصر ونحن نتنعم بالماكل والمشرب ونتلذذ بالنساء ولانذكر أخواننا و لا نابه بمايفعل بهم

طفل مريض يقطع عنه الدواء ويموت وأخر يمنع عنه الحليب ونساء على فرش الموت لاغذا ولادواء

وما حادثت أسطول الحريه الا شاهد على تعجرف هذا العدو وعدم أكتراثه باحد

أخواننا في فلسطين صبرا جميلا ربما ياتي جيل اخر ينصركم وغير ذلك فلا ناصر لكم








وسط الحصار ولاتجيه المراسيل
مسلوب حق ومالقى اللى يعينـه

بين الركام يعيش جيل بعد جيل
وحقوقهم عند المعـادى رهينـه

وكل على ماقيل يشجب أسرائيل
ستيـن عـام وشعبنـا مبتلينـه

سفن الحريه أضربوها محاميـل
ولابه جريمه دامهم فاعلينـه !!

يالله دخيلك زودو فوقنـا الكيـل
وأفعالهم أمست علينـا غبينـه

بشر أهل غزة بموت ألرياجيـل
شعب يمـوت وكلنـا خابرينـه

ياصامتين أظهورنا ملت الشيـل
ويش القرار ومنهو اللى يدينه !!

وياتركيا تستاهلين المحاصيـل
أنتم زرعتو واحصدوها ضغينه

تطبيعكم معهم ترا فوقنـا ميـل
ونكث العهد في شرعهم عارفينه

وصبرا أهل غزة على كل ماقيل
يمكن يجى يوم تقـاد السفينـه

[أخو جوزا]

صح لسانك وحياك الله ياطلال

[طلال بن هذال بن نشار]

ضاع الحصان وضاعو الطيبيني = وجاك الثعل واللى شبيهه من الناس
ورخصو هل الطالات علم يقيني = ودب الغلا في كل نجس وبلاس
و أهل الاشدة بالخلا ضايعيني = والبعض الاخر عند الابواب حراس !
وأهل الكرم معاد الهم معيني = قامت تحاذفهم شياطين الافلاس
والبوم واصل البوم جالةرطيني= وفي مامضى يحط في رجلةركاس
وقت يطيع الذئب فرخ الحصيني = والحر الاشقر عند قلاع الاضراس !!
وكل غدا سيف يبت الوتيني = ومنول عند المباهير حراس
واللى منول بالدمالة ثويني = لاشدو العربان بالدرب ينداس
لازم تقول الشيخ طلق اليميني != ومهما فعل ماضنتي يرفع الراس
يالله طلبتك فوقهم لاتحديني = أموت جوع ولاتودد للانجاس

[ابو سعد الدلبحي]

دائما مبدع يأبو هذال

[مقاطي سيفه صاطي]

صـــــح لســــانك يا ابو هــــــــــذال ولا فض فــــــــــوكـ

[طلال بن هذال بن نشار]

الملك فيصل ال سعود رحمة الله رحمة واسعه

قال الفيصل ( حرمنا الشريف ومقدساتنا تنتهك وتستباح وتمثل فيها بالمخازي والمعاصي والانحلال الخلقي

فاني أدعو الله مخلص أذا لم يكتب لنا الجهاد وتخليص هذة المقدسات أن لايبقيني لحظة واحدة على الحياة )

الله أكبر ياللعزة والرفعه والايمان يارب أرفعه في أعلا منزلة بالجنة مع الشهداء والصديقين

وفيصلاة وأسلاماة وقهراة على مقدساتنا التي أستبيح بها كل شي ولم يقدر أحد ان يتكلم وأقدساة

ياقدس ناقصنـا طيـور أبابيـل = مـدام هـذا وضعنـا جنبيـنـا
حنا رضينا بالبقـر وألمؤاويـل = والعـز والله ماتحوشـه يدينـا
أن كان مالك من جهدنا محاصيل = يالله يالديـان تقضـى عليـنـا
مهما سكتنا زودو فوقنـا الميـل = ولاسرهم حتى بعـد مارضينـا
قامو يزيدون الفتـن والقلاقيـل = ياهيه ياحكـام النـا سنينـا !!
شعب يبـاد ولاتفيـد الاقاويـل = شعب يمـوت ولالقالـة معينـا
يافيصل ألاسلام ماعاد به حيـل = بيعت كرامتنـا وحنـا شرينـا
قد قلتها والفعل يبغـا رياجيـل = أن كان مال القدس عز أنتهينـا
في خطبة ماهيب خطبة دعابيـل = الحق واضح والمواقـف تبينـا
واليوم يامشكاي قد صابنا ويـل = مدام فيصل راح وش في يدينا !!

[طلال بن هذال بن نشار]

يالله عساهـا أخـر أحزنـا دوم
لطفك علي متعب سمـؤ ألمعالـي
ياما وقف على الصعيبات زيزوم
وياما بذل وأرخص مجال الريالي
وياما رقى على الطويلات شغموم
سلمان تشهد لـة جبـال عوالـي
وان كان للحكام مرجـع وقيـوم
سلمـان للعريـف حكـم مؤالـي
وأن كان فزحول الرياجيل معصوم
سلمان يشرب من قـراح زلالـي
وان كان للفريس حاكم ومحكـوم
سلمان بالميدان ذئـب الرجالـي
وان كان للرماى نيشان وسهـوم
سلمان لنـواط البطـولات نالـي
يالله عساه من ألصواديف محروم
النادر اللي صيدة مـن الجزالـي
يستاهل التقدير سلمـان محشـوم
صعب على غيرة يشيـل الثقالـي
والله لو ألعمـر ماهـوب مقسـوم
لاهدى زبون ألطايلة كـل غالـي
طهور يالي بالسماء تكثر الحوم
طهور يامعنـى سمـؤ المعالـي

[طلال بن هذال بن نشار]

أهدا الي أخي العزيز عبيد بن معدى الغويري الدلبحي

ياعبيد كانك بالمواجيب وفيـت = فعلك وفعـل أجـدادك الاولينـا
فعل ينومس لابرزت وتعزويت = وتعـد لامـن عـدو الغانمينـا
يابو معدى ماجلست وتواريـت = أتعبت رجلك والمواقـف تبينـا
مايوم عن واجبك ياعبيد صديت = حطيت لك في قمة المجد مينـا
من ربعة للطيب يسبقهم الصيت = غوارية من ذابحيـن السمينـا
صغيرهم تلقاة في ربعة البيـت = وكبيرهم ينسيـك مـر السنينـا
شرعت بيبانك وبالضيف هليت = عد (ن ) علية من البشر قاطنينا
وحطيت ذود يذكرة كل نعتيـت = صفر تعجز من يقول أشترينـا