الرياجيل فيها نقص وزياده...!!

[الشامخ]

السلام عليكم ... وكل عام وانتم بألف خير ... ماأطول عليكم عندى قصيده اتمنى ان تحوز علي اعجابكم وإستحسانكم ....


يا ناوي البعد عنك البعد يسعدني....ابشر برجلٍ يعز النفس بزياده
مليت منك الغرام اللي مجاهدني....بنسى وفاته وأعيش ايام ميلاده
دايم بحبك علي الفرقا تهددني....واليوم خذ ما تبي من كف ورّاده
باكر إليا طال معك الوقت تفقدني....واتعرف من كان منصح لك فؤاده
تلقى جوابٍ عليه العام تنشدني....وان الرياجيل فيها نقص وزياده
وتحس بالنقد كانك قبل تنقدني....واتميّز الحق مصداره وميراده
كنت احسب الوقت عنّك ما يبعدني....والا انت ودّك يزيد الوقت بعناده
نسيت عهدك معي يومك تعاهدني؟؟؟....يوم ان نفسك معي للحب منقاده
كلّن علي عشرتي وياك حاسدني....حتى اقرب الناس حسّاده ونقاده
يا كبرها منك بس اللي معقدني....وشلون شخصّ عطاك الحب مافاده؟؟
عيّت ظنوني بحبك لا تساعدني....مات الغلا واعلنت للناس بحداده

وسلامتـــكم....