طاعة الرحمن والرمح المجرز

[امير الصفوى]

(( القصيدة الزائية ))=
طاعة الرحمن والرمح المجرز= هي هدفنا والله أكبر ياخو فزة
هايف الخصرين نهده تو برّز=مثل تفاح الجبل او بيض وزة
والثنايا كنّها حباً من الرّز=ما تمل مشاهده في كل حزّة
او كما اللولو عذيّات مفرّز=وثوبه الناعم توذّا منه بزّه
عند شوفة دمع عيني يوم طرّز=موتنا من شانها عزّ ومعزّة
عرضها بوجيهّنا حرزّاً محرّز= مثل حفراً بالحجّر بيّن محزّه
مايصيب الرمح والقنطار ما أنرّز=وأحذر الرمح الردي لا لا تهزّه
لو بغيت النوم عن عيني تبرّز=ما يطيق النوم من فكرة يهزّه
ولا ينول امنّاه رجلاً ما تحرّز =بالعمل والجد عنوان المعزّة
ولا يصير الزرع من توه امرز = كان يزرع من جبل خزّة لغزّة
ولا يعوضك بالشرف ثوباً مطرّز=من تهاون بالشرف بالعمر عزّه
ولا تسد الريع بجلودٍ تخرّز =والهيار ادناة ما شاله ودزّه
من جبل جيزان شرق اليا المبَّرز=دارنا من دونها العايل نكزّه
يا نمر لو هامها الشيطان غرّز=عزّتي له يانمر من قطع رزّه
لو يعض ابكل نيبّانه وكرّز =ما علينا منه لو خشمه يرزّه
عبدالرحمن السديري=