هذا العــتيبي ..!

[ابن الأعشى]

العتيبي نادرن في راس نايف =ما يوقع كود في روس العلالي
نادرن من نادرن عدم الوصايف = لا نحيته جاك عجل ما يبالـي
يكرم الطار في سنينن عجايف = دون وجهه مرخصن غال الحلالي
لا قصد بيته طريدن جاه خايف = احتماه وكل خوفن عنه زالي
كم عقيد من فعوله هج عايف = يوم شاف افعول طلقين العيالي
وكم جموعن صكت اكفوف الحسايف= يوم حطت شيخها تحت الهيالي
من فعول الشلف مع بيض الرهايف =كم تعشى الذيب بكبود الرجالي
هذي الهيلا وذي بعض الوصايف= وقول ابحصي وصفها هذا محالي
وكل ناس بينهم لاشك نايف = ما جحدنا حق طلقين الرجالــي

( آخوكم: سعد بن زيد الدعجاني )

مشآركتي الأولى بالمنتدى ..
اتمنى أن تحوز على اعجآبكم ..

[صامت]

قصيدة رايعةوقلم رايع جداااا وشكور اتمنى جديدك

[صارم عتيبه]

يامرحبا ياسعد الله يحييك

وابرك الحزات

وانت مبدع في كل حالاتك

صح نبضك وبوحك الراقي

لا تحرمنا ابداعك

ودي واحترامي

[محمد بن سمار الحنان]

كفو كفو ياولد مفلح صح السانك

يستاهلون عتيبه المدح

ننتظر جديدك

[ابن الأعشى]

الاخوة الاعزاء صامت وصارم عتيبه والاخ الكريم محمد بن سمار
اسعدتني ردودكم وكما يقال على قدر اهل العزم تاتي العزائم
والقدر عند امثالكم معروف

...

آخر تعديل ابن الأعشى يوم 24-Apr-2012 في 01:42 AM.

[ابن الأعشى]

ابيات مجارات لقصيدة فارس وشاعر مبدع هو
الفارس شليويح وهي معروفة و هذي ابياتي اقول فيها

اعرف قـدري عنـد ربع مفاليــح=ولا الردي ما همني يالقرومي
ولا خصت الخدمة لربع مشافيح=خدمت انا نفسي بقوة اعزومي
وشوم عن خطو الوجيه المكاليح=بوم الخراب امنقلين العلومـــي
و اشره على اللي يفهم العيب تلميح=ما يحتري تاسم بوجهه اوسومي
وصلاة ربي عد مـــاهبت الريـــــح=على النبي وعداد طلع النجومـــي

ارجو ان تنال استحسان متذوقي هذا النوع من المعاني

ابن الاعشى - سعد الدعجاني







...