يقول عيد بجاد قول عزازي

[ابو عبيــد]

يقول عيد بجاد قولً عزازي
يبدي هجوسه والهقاوي قويّه

ماله ورا الشعار بعض المغازي
اهل الوفاء والكلمه الشاعريّه

لكن انا عندي كلامً مجازي
لهل الحداثه والعلوم السجيّه

ياهل الحداثه ينحش الصقر بازي
من عاصمة بغداد يمسي طميّه

وفي جوهر المشتاق بان الطرازي
من يقطع المنهاج بالعنجهيّه

وانشد وكرر ويش دم البرازي
ومن يحضره للجادل الغشمريّه

والغازيه بالرنق بنت الغوازي
تلعب على الحبلين بنت العبيّه

محرزه للي يحب الحرازي
والوسم واضح فوق خد المطيّه

وذئب الحواء يشبه لذئب الحجازي
يسرحه ويمرح بالوهاد النقيّه

والبندر المذكور فيه الشرازي
باعه ردي الحض بالمهمهيّه

والسيف لونه بالغوى تركوازي
ومن يحضر العباس ياخذ هديّه

والشاعر اللي قال ياخاز بازي
يلعب على المنكوس صبح وعشيّه

قالو هذا شاعر وقلت انتهازي
مايعرف الاكراد والشركسيّه

وانشد شواعير الحدث عن خزازي
من سكنه بالفتره الجاهليّه

خفوا وهفوا ناقلين المرازي
حبوس الرجال اهل الوفاء والحميّه

وبانت علوم مدورين الخنازي
بياعة النرجس على النرجسيّه

الشاعر عيد بجاد ابن شده

[راشد النفيعي]

صح لسانك

شاعر متمكن بيض الله وجهك

[بن ابنين]

ابو فهد
راائع الله يعطيك العافيه

[ابو عبيــد]

لاهنتوا وصحت ابدانكم جميعٍ

[ابو طارق الشمري]

تسلم يابوفهــــــد وصح لسانك ملاااايييين
لاعـــــــدمنا وجووودك.

[ابو عبيــد]

الاخ ابو طارق الشمري لاهنت وصح بدنك