ياعلي شب النار وأحرقلي البن...

[الخــراص]

هذه قصيده لها قصه حسب ماسمعت أتمنى أن تحوز القصيده على رضاكم
وأتمنى أن اوفق في النقل...

القصه حصلت على شاعر عتيبي لاأعرف أسمه كان في رحلت قنص في جهة تبوك الجزء الشمال الشرقي من المملكه
وحصل عليه مشكله اطلاق نار أما من البدو الذين يسكنون هناك
أو من جهه حكوميه المهم أنه قتل أحدهم وهرب الأخر فأخبر مركز شرطه أو أماره .... فكلف قائد المركز مجموعه بمطاردته ... ولأمساك به..
وكان سائق هذه المجموعه (عتيبي) وعندما لحقوا به ورأوه أنحرف السائق العتيبي بالسياره الى أحجار كبيره لقصد أعطاب السياره لكي لا يتمكنوا من أمساك العتيبي الأخر وفعلاً كان له ماأراد وأفلت العتيبي منهم
وقال هذه القصيده التي تدل على ذلك...........

ياعلي شب النار وأحرقلي البن=أباه يبرد عن ضميري لهيبه
دقه بنجرٍ صفوقٍ ليا دن=وصبه بشاميات صفرٍ ربيبه
خل الدلال بغيضهنه يفوحن=ويبرن جرحٍ مالقينا طبيبه
البيض وش هيض عليهن يبكن=خل البكا للي جراله مصيبه
يهنكن مابليلٍ سريتن=في جو ليلٍ غدر ماينسريبه
يوم أن ابن قطنان حنث عليهن=حنث عليهن دين والله لأجيبه
هو مادرى أني من عتيبه عليهن=أولاد روق معلقين الصويبه
والله لو العين شافت حداهن=ليجي نهارٍ عقبنا ينحكيبه
أما يردن القعود بخطرهن=وألا يجي مثل القطاه الرعيبه
ياما رقى مع ليلةٍ مع ظهر قن=وياما رعى وأنا براس الرقيبه
وياما ورد عدٍ حمامه يطيرن=عدٍ خلا مايارده غير ذيبه
خمسة عدود اللي بليله وردهن=منها المعظم والخضر والقليبه

أتمنى أن اكون وفقت في النقل ... هذا حسب ماسمعت وحفظت


تحياتي للجميع الخـــــــــــــراص

[((الدلبحي))]

تسلم
يالخراص
نقل متميز وموفق
تحيااااااااااااتي

[داهية عتيبة]

تسلم يالخراص


وهذة القصيدة لسند العازمي العتيبي



تحياتي ..

[مزحم]

السلام عليكم ورحمة الله وبركاته
تسلم والله يالخراص والاخ الدلبحى نقل جيد وقصيده جميله جدا على نمط قصائد الفرسان لكن توثمت فينا بتكبير الخط هههههههه ودمتم

[نادرالعتيبـــي]

الله يسلمك ويعـافيك يالخراص علي هذي القصه والقصيده الزينه...........!
ونتطلع منك اكثر انشاء الله ولكم خاااااااالص تحياتي.
اخوكم نـادر الغبيـوي..................؟

[الخــراص]

الدلبحي تسلم على المرور

داهية عتيبه
يعطيك العافيه معلومه ممتازه


مزحم الف شكر على المرور المره الجايه
جهز نضارتك عشان تقراء لأن الخط بيكون صغير مرررره
هههههههههههههه تحياتي لك

نادر العتيبي حياك الله
وأبشر بالجديد قريباً إن شاء الله