-:::مالي ورى طرد المقفي شفاقة:::-

[عبد المحسن الحلحلي]

على عجالة وبدون مقدمات،،،،،




أتمنى أن ترقى لذائقتكم

مالي ورى طرد المقفي شفاقة=ولاني مخيل بروق مسيوقةٍ شرق
أحفظ حقوق الله وأعز الرفاقة=وأطب سوق الناس وأميز الفرق
والدين راس المال عروة وثاقه=وطريق جنات العلا يقطعه طرق
إما تثبت من شروط السياقة=وألا غدى دربه وعرق ضرب عرق
يحسب مع أهل الخير فاز بسباقه=وألا جهنم نارها تحرقه حرق
والمرجلة ما تنكسب بالحماقة=ولاهي ملاعى مثل ما تلعي الورق
تصعب على راعي العلوم الدقاقة=لاهاش بندق زيد والرمح له زرق
المرجلة حيد صعيب نطاقه=وإليا عزمت اتكل على خالقك وارق
تشيل مع زود الحمول الوساقة =مانالها من يحسب المرجلة سرق
والطيّبة مثل الغشين وحقاقه=تغسل قلوب طوّلت بالحسد زرق
واللازمة ما غلّقت بالشلاقة=وقف لها واحذر تخرق العهد خرق
جمعتها لك من سلوك اللباقة=ولاني كما صيفيةٍ برقها برق
ماني وأنا محسن بقطاع ساقة=أشوم عن سكة هل الغدر والدرق

وسلامتكم


مودتي

الحلحلي عبدالمحسن

[علي الشهراني]

صح لسانك و علا شانك


مشكووووووووووور يا الحلحلي

التوقيع

يا بو محمد وش عليه أتحسّر=لا مرقدٍ دافي و لا ماكلٍ حار احسلّي اقصْر في شفوفي و اكسّر=اخير لي من عيشة الغار و النار

[صالح بندر الدعجاني]

صح لسانك وتقبل مروري

[عبدالله الفهد الاسعدي]

صح لسانك ودام ابداعك

ننتظر منك المزيد

دمت موفق

[سيف نت]

الحلحلي صح لسانك

[أبونواف]

الحلحلي صح لسانك على هذه الابيات الرائعة
تمنياتي لك بالتوفيق ..