اهل المروّه والكرم في الوقت الأول والاخيـر

[الصريح العتيبي]

سلام ياروس الرجال اللي يقودون السّرب=اللي مواقفهم تسر النفس وتشوق النظير
فعلاّ يزوّدني فخر واسمّ يزوّدني طرب=اهل المروه والكرم فالوقت الأول والاخير
إن ذكرت اصول العرب وان عدّت فعول العرب=حنا لنا منها اليا جاء ذكرها القسم الكبير
عتيبه الهيلا ليا جاء موعد العز وقرب=يقودنا للمجد ودروب العلا سلك الحرير
وجنود ابو متعب وفرسانه اليا منه حرب=وسيوفه اليا حدّها في وقت لازمها شطير
يضرّب بنا اخصومه وعدوانه ليا منه ضرب=ونمشي معه فيما يريد وحيث يامرنا نسير
نكوي خبيث المنهج الخاين ونطلى ابو جرب=حتى يعّود راعي الهقوات وذراعه قصير
نرقى سنود ولاحدّ منا عن الواجب هرب=معنا تهون الكايده ونصّير اللي مايصير
بدا لنا نجم السعد والمجد عنا ماغرب=في دولة التوحيد والامجاد والخير الوفير
الشعب يد وحده وحكامّ يفكون الكرب=خيراّ على الاسلام والأمه واهل عدل وضمير
على دروب الغانمين ندّرب اللي مادرب=نبّصر التايه عن الحق ونجير المستجير
وموّلع الفتنه كِسر خشمه وشاربه إنترب=واليوم منا بعد ماجّرب يخاف من الصفير
غادر مواقعنا الاماميه يزوزي بالقرب=يندب ردا حظه ويلعن فالمحّرض والشوير
وختامها يامرحبا باللي يقودون السرب=ماهبت الانسام من غربي وماذعذع عبير

آخر تعديل الصريح العتيبي يوم 05-Feb-2010 في 12:17 AM.

[عبدالله بن طلال]

الله الله الله



حظورك فخم وقصيده انت قلتها في حظور شيوخ وجماهير يستحقون وينتظرون ابداعك يالقرم



كانت مباشره وعلى الهواء في مناسبه غاليه جدا



لله در اللي دعاك للمناسبه ولله درّ حظورك وشعرك با الامير



صح لسانك يا أبو فايز مدد ...........حد الرضى وأكثر



وارجوا من الاخوان المشرفين الاعزاء تثبيت هذه القصيده لتاخذ حقها من الردود والإطلاع



تحياتي للجميع

آخر تعديل عبدالله بن طلال يوم 05-Feb-2010 في 12:28 AM.

[أسير القوافي]

صح لسانك .. أستاذي : الصريح العتيبي





لاهنت لاهنت لاهنت .. جزلة وفخمه ومن راس جزل ..





شاكر لك

[عبدالله الفهد الاسعدي]

الله الله الله صح لسانك واعتلا شانك

[شعيل الزلامي]

صح لسانك يابو فائز

قصيده من الوزن الثقيل في مناسبه تستحق هذا

الكم الهايل من الشعر الجزل 0000000

ليس غريب هذا على شاعر اسمه الصريح العتيبي

[علي الشهراني]

بيض الله وجهك و صح لسانك



و سبعين نعم في عتيبه حاضر و ماضي

التوقيع

يا بو محمد وش عليه أتحسّر=لا مرقدٍ دافي و لا ماكلٍ حار احسلّي اقصْر في شفوفي و اكسّر=اخير لي من عيشة الغار و النار

[ابن صنهوت]

صح لسانك وبيض الله وجهك

[أسير القوافي]

ماعليك زود يالشهراني ..



ونعم بحالك ولاهنت

[فايز بن سرحان الثبيتي]

وموّلع الفتنه كِسر خشمه وشاربـه إنتـرب
واليوم منا بعد ماجّرب يخاف مـن الصفيـر
غادر مواقعنـا الاماميـه يـزوزي بالقـرب
يندب ردا حظه ويلعن فالمحّـرض والشويـر


الله الله الله "

ايو الله صح لسانك مليوووون يالصريييح

قصيدة جزززززله ومن الوزن الثقيل مثل ماقالوا الاخوااان "" وتستاهل التثبيت "

لا تحرمنا جديدك "

التوقيع

إذا شئت أن تحيا سليما من الأذى=وحظك موفور وعرضك صين لسانك لا تذكر به عورة امرىء=فكلك عورات وللناس السن وعينك إن أبدت إليك معايبا = فصنهاوقل يا عين للناس أعين وعاشر بمعروف وسامح من اعتدى=وفارق ولكن بالتى هى أحسن

[أبونواف]

فعلاّ يزوّدني فخـر واسـمّ يزوّدنـي طـرب
=====اهل المروه والكرم فالوقـت الأول والاخيـر
إن ذكرت اصول العرب وان عدّت فعول العرب
=====حنا لنا منها اليا جاء ذكرها القسـم الكبيـر
عتيبه الهيلا ليا جـاء موعـد العـز وقـرب
=====يقودنا للمجد ودروب العـلا سلـك الحرير


صح لسانك أخوي الصريح العتيبي
وبيض الله وجهك على هذه القصيده الرائعه ..

آخر تعديل أبونواف يوم 06-Feb-2010 في 05:27 PM.