تدري وش اللي يجرح القلب جرحين

[عبدالله هادي ناشي الفليت.]

تدري وش اللي يجرح القلب جرحين
..................ويمد حبـل الحـزن فيـك ويشـدة

انك تناظر طفل مـن غيـر ابويـن
.................يمشي ودمعـة سايـل فـوق خـدة

منظر صعيب ويقسم القلـب قسميـن
................لا قـام يمسـح دمعـة بكـف يـدة

يمش ولا يدري طريقة علـى ويـن
...............لين التعب من كثـر مـا تـاه هـدة

اثقل حـروف يشيلهـا فيـة حرفيـن
...............لا أب يـدريـبـة ولا أم تـــردة

في خطوته رحلـة ودمعـة وسكيـن
................وحـظ توسـد بالمراسـي مـخـدة

جيت اسألـة بالله قللـي ولـد ميـن
...............وبغي يجاوب وختنـق صـوت ردة

أنـا يتيـم ومـا لدربـي عنـاويـن
...............وجزر الحزن فينـي يسـاوي لمـدة

وطعم الطفولة ما عرفته لهـا لحيـن
.............وثوب السعادة صـرت مانيـب قـدة

ابكي إلى من شفت غيـري سعيديـن
................ليـن البكـا فينـي يوصـل لحـدة

واقفي ورحت امسح دموعي من العين
...............وعيني تناظـر دمعتـه فـوق خـدة

وهذا اللي يجـرح القلـب جرحيـن
..............ويمد حبل الحـزن غصـب ويشـدة

تحياتي لكم.

آخر تعديل عبدالله هادي ناشي الفليت. يوم 06-Mar-2010 في 11:20 AM.

[مشاري الحبردي]

صح لسان قايلها

لاهنت يابن هادي

[عبدالله هادي ناشي الفليت.]

صح بدنك.. يامشاري..

ولاهنت على المرور..!!

[سالم البرقاوي]

صح لسانك على الأبيات المؤثره

[عبدالله هادي ناشي الفليت.]

صح بدنك..
مشكوووور على المرور..

[أبو صقر]

صح لسان الشاعر
ويعطيك العافيه يابن العم على هالموضوع والله ان هالصوره تدمي القلب











تحيتي ..........